同男朋友第一年拍拖, 第一次過聖誕, 身為女仔, 好自然會希望係過得難忘、過得浪漫, 不過上年嘅聖誕, 真係totally out of my expectations囉!
唔知係佢缺乏經驗 (我係佢第一位女朋友) 定係點, 佢係聖誕節無準備聖誕禮物俾我之餘 (我送左作隻Star Wars Game俾佢), 但估唔到聖誕個晚嘅燭光晚餐, 我都要同佢AA制!
我有問過佢: 呢餐唔係你請我食咩??
佢就話: err..我帶唔夠錢...
聽到呢句我都著著地: 咁重要嘅節日都帶唔夠錢, 駛唔駛我借埋比你呀??
佢: 咁...咁又唔駛, 不過你都知我啲股票唔聽駛, 所以...
結果個晚, 原本我諗住同佢開開心心倒數過聖誕, 結果點知仲要我自己出錢食飯, 所以之後都無咩心機同佢繼續睇燈飾!!
因為呢件事，我足足嬲咗佢成個月有多!
分開嘅呢段時間，大家都處於冷靜期。我叫佢唔好搵我，佢呢段時間就真係好乖咁，無點搵我。
就係我心死之際，我男友前兩日搵番我
"仲同我講，你嬲完未呀?你都唔想情人節自己一個人過架? "
我真係唔知我嬲定好笑，到底係咪我男友驚情人節自己一個人過，所以先醒起要搵番我
.
.
.
.
.
.
.