距離情人節還有12日。
即使你毒到出汁、即使你靚仔過畢彼特，一生人總會做過一次觀音兵（除非唔係）。觀音下凡，仙氣飄人間，此生難得一見，能跟隨女神任勞任怨、隨傳隨到，乃三生有幸。
到底何為「做觀音兵」，做兵又有分幾多種，網際網路上已經資料充足，不作多談。不過有網民在討論區發帖，內文指有位中學好友一直愛慕女神，甘願做十幾年觀音兵，非女神不娶咁話。
有網民指有中學好友一直愛慕女神，甘願做十幾年觀音兵，而且非她不娶。
老友做兵實錄：
1. 感情生活如一張白紙，從未拍過拖。
2. 由中三開始愛慕女神，愛到現在三十幾歲。
3. 每當女神遭男友分手，便會找觀音兵攝時間。
4. 曾經拖過女神隻手。
5. 視女神為一生中最愛，非女神不娶。
6. 認為女神感情生活不穩定，只要投資多六、七年時間，女神隨年紀漸大而進一步貶值，觀音兵自然有機會抱得美人歸。
唉，女神撥個電話，觀音兵放下手上工作，立即奉召到場，快過速遞員，為愛情而失去理性，何必呢？學阿Sa話齋：「讓這過來人衷心去勉勵你，願你快重回你天地。」
網民點睇：
「你覺得佢好蠢要救佢，但可能佢自己好開心呢！」
「萬一女神嫁咗人，怕你個Friend受唔住跳樓。」
「帶佢去坐洗頭艇。」