細佬啱啱步入青春期....有啲嘢我真係唔係好識處理
我好少出post, 上一次已經係兩年前，嗰陣時仲問大家細佬開始大個，我同阿妹係屋企著衫係唔係要檢點D，但係估唔到咁快佢而家已經變到咁...好傷心...我一直都相信細佬會係好純品..
近來我覺得佢有啲古怪，自從屋企轉左用notebook 佢就經常呢埋一邊上網，我去睇返history 咁梗係比我估中佢上鹹網啦，不過我都知道佢呢個年紀會好奇好正常，我都識做隻眼開隻眼閉唔會踢爆佢...但係當我一click 入去睇嚇佢睇過啲乜當堂嚇死我...有強姦又有偷窺既變態野.
..我而家真係好擔心佢會由只係對性好奇變成變態..
另外一啲事令到我更驚我既擔心唔止擔心咁簡單。我同阿妹都留意到佢近排會扮嘢唔小心去開我哋啲門，去廁所又試過換衫又試過。
（阿媽以前擔心我哋細個貪玩鎖住自己，所以全屋啲門除咗大門都冇得鎖）而最可怕係我發現佢琴日有個坐檯鐘係佢個袋裏便，佢好少會買呢啲嘢，我覺得個鐘有啲奇怪於是send 張相俾男朋友睇佢話俾我知其實係一部針孔攝錄機.
...... 我個下真係晴天霹靂...即刻係咁鬧佢點解要買個咁嘅嘢返嚟，佢不斷咁話只係幫朋友去令，聽日就俾人佢自己都冇留意係乜嘢...佢又講到好似好真咁我而家 都唔知信唔信佢好....老實講最怕唔係佢影我哋，我最怕係佢唔知出面做啲乜嘢，搞出個大頭佛就真係後悔一世....
除左細佬外，我屋企成屋都係女人，我大我細佬成十年，佢以家十五歲，阿妹就快十八。阿爸好細個已經走咗，阿媽要經常番工，由細到大都係我照顧佢地，尤其係細佬，真係當佢係自己生咁,去到六歲七我都仲有同佢一齊沖涼，老實講佢有乜野未見過
同埋我都唔覺得有人會對家姐自己有興趣....所以我真係唔明點解佢仲要咁做
唔好意思...我一講嘢就長篇大論，成日比人話長氣
但係今次我真係唔知應該點做，有咩方法可以同佢講要檢點D唔好做變態野？