原本佢本身有個好多年既女友
識佢既時候話冇女友, 對上一個已經分左手一,兩年
我同佢識左一年左右開始左, 一齊好開心, 只係佢做野好忙, 唔係成日見, 節日通常出唔到黎
我好體諒佢工作忙, 好信佢, 完全冇懷疑過
咁樣一直左兩年...
但早兩日有個我唔識既女仔突然SEND MESSAGE俾我
講到我同男仔個名, 話係個男仔既女友
我個下全身同手都震曬
個女仔講左好多野俾我知
我地一齊對左D 日子, 原來男仔同佢一齊就會同我講要做野, 同我一齊既時候就同佢講加班, 約左朋友吹水咁
之前佢同女友去旅行, 就同我講公司要出TRIP
個女仔講既每一句說話都好似刀咁插入我心
我好震撼, 好大打擊...
前晚約左男仔出黎傾, 我同佢講我知道曬, 同佢講唔好再傷害真心愛佢既人
佢一直捉住我隻手, 攬得我好緊
我叫佢唔好喊, 我話我冇嬲佢, 我地一齊開心過, 我冇後悔, 我只係希望佢以後唔好再講大話, 耍活得坦誠
我地默默咁放開左手....
我好心痛, 好難過, 覺得自己同死左冇分別, 呢個世界已經同自己冇關
我冇諗過呢D電視劇情節會發生係自己身上, 由始至終我都係簡單想同自己鐘意既人一齊生活落去...
我唔捨得, 放唔低, 我呢兩日一直喊, 訓醒就喊, 喊到攰就訓...
唔知聽日返唔返到工....
我忍唔住仲成日睇電話, 因為呢幾年慣左隔一陣就睇下佢會唔會搵我..
今朝我忍唔住再搵個女仔, 個女仔話佢地尋晚都講左, 個男仔話唔俾佢走..
佢地今朝一齊同男仔既爸爸飲茶...
每一個字都好似界刀咁界我個心...
我唔知要幾耐先放得低, 真係好大傷害
佢以前送俾我既野, 一齊影既相, 我唔知點處理..
---------------------
有人話我使唔使咁大方咁好人..
我唔係想人讚我好人, 而係, 我真心愛過佢, 希望佢好..知錯, 跟著做返個好人....
佢對住我不停喊, 不停講對唔住..佢話都唔知點解會咁..個時佢控制唔到自己..
我知道任何人都有迷失有犯錯既時候...所以我選擇放手..原諒佢..因為我愛佢..
我依家已經平靜返好多...但個心仲好痛, 個人咩動力都冇...