任食無界限， 繼Pizza Hut、元祿壽司推任食優惠後，有新手茶餐廳或冰室最近亦推出平價版任食「自助餐」吸客。
位於油麻地彌敦道彩龍粉麵燒臘茶餐廳開業4個月，本月10日起推出58元晚市任食、飲品半價，由晚上6時半開始。餐廳以酒店自助餐形式提供約20款小菜，包括招牌鹽焗雞、黃金蝦、牛什、蜜汁叉燒等。
老闆劉欽界表示，希望能以經濟實惠、特色作招徠，「街坊用平民價就可食到成百幾蚊碟的餸，希望打響個朵，個個都識我們！」
另一間去年8月開業、位於中環的香江冰室，兩個月前亦推出80元午市及128元晚市任食優惠，晚市包括點心、臘腸蒸飯、厚切豬扒等，滿4位點更送一支智利紅酒。經理陳錦華稱，推出後客量由每日約80人，倍升至160至180人，需提早兩日預訂。
他說晚市是「蝕住做」，惟有靠午市「拉上補下」，預計優惠會至2月底，新年市道或較冷清，冀薄利多銷，視乎反應才決定是否再推優惠。
究竟任食是餐廳有賺？還是食客有著數？曾經營茶餐廳、現為甜品店老闆的曹捷沛就曾解構任食優惠的四大真相。
1. 無賺但不蝕
曹捷沛指，租金和人工已是固定成本，推任食谷高人流，唯一增加的只是食材成本。
「若個個都是策略性食客，專揀最貴的來吃，當然會蝕；但大部分人都是貪心的，樣樣都試，甚麼粉麵都吃，其實拉勻吃不過成本價。」
曹捷沛說，即使少數食客吃破成本價，餐廳拉勻仍是有賺，只是賺不多。
2. 帶旺人流提高毛利
曹捷沛又指，任食吸客，營業額隨時比平時高出兩倍，薄利多銷下比正常經營賺多了。
有些walk-in客會因人頭湧湧大排長龍，吸引光顧一試。
3. 增加現金流找貨數
至於現金流增加，老闆有充裕資金清付貨數，也幫助很大。
4. 食物更新鮮
曹指，任食流量大，食物填補快也更新鮮，若效果好更可吸回頭客。
不過話說回頭，2013年，荃灣肥嘟嘟茶餐廳首創「30元任食放題」，惟後來敵不過大胃食客，需加價至40元，生意更不升反跌，每月倒蝕近7000元。該餐廳於去年10月已結業，由另一家茶餐廳接手。
網友食評：
真係一山還有一山低，
騎騎呢呢又任食 !!!
咁啱途經呢間茶餐廳門口，
見有個牌寫$58任食，
好奇心驅使之下，
決定入去一戰，
任食時間 6:30 - 10:00
無加一，無限時，
白飯同例湯任裝，
唔包飲品，汽水要$5罐，
話就話中西式，
但全部都係中式小炒，
擺置食物地方好細，
大約得十二至十三樣食物，
但補充得好快，
而且又會轉小菜款式，
全部即炒熱辣辣，
幾夠鑊氣，依家一條友仲係度食緊
呢回真係抵食到爆炸
戰鬥到打洋