呢幾日上曬頭條，小編見到大家轉得甘犀利，好好奇咁睇咗下，聽講今年猴年嘅春晚，六小齡童版嘅孫悟空無被邀請喔~
睇到好多朋友仔都話一定要撐六小齡童上春晚~
好多人都話六小齡童版嘅孫悟空系經典之中嘅經典~
仲有人話睇今年春晚就係為咗睇孫悟空！！
對於小編嚟講，呢個經典我就真系唔系好有feel咯~
小編記得細個剩系睇過張衛健版嘅孫悟空~，
又型仔又盞鬼~
仲成日學佢講果句口頭禪「噼啪你的隆丁咚啊」~
印象最深刻嘅就系佢成日掛喺嘴邊果句：
「我系如來佛祖玉皇大帝觀音菩薩指定取西經特派使者花果山美猴王齊天大聖孫悟空啊~唔系你老公~」
仲有果首好盞鬼嘅歌仔：
「大笨象會跳舞，馬騮仔會上樹，狐狸會打關斗~嘿~山豬山豹山羊山中有隻老羊，望見老孫發吽哣~」
老實講，雖然六小齡童版嘅孫悟空好經典，但系由細到大剩系睇TVB嘅小編
最中意嘅孫悟空就只有張衛健版嘅喇~
系果個成日都話「yo~使乜驚啊」嘅孫悟空，
唔系「俺老孫來也」咯~
大家都為六小齡童感到可惜之餘，小編又想問問大家，乜你睇有每年過年都有睇春晚嘅習慣咩？
反正小編我系無~
【特別聲明：圖片&視頻源於網絡資源，版權歸原創者所擁有。文字由「廣州吃貨」編輯創作，轉載請註明出處】