同初戀拍左兩年 因佢話感情變淡上年聖誕前兩日分手
分手前已經有預兆 搵佢約佢 一係病一係hea覆
係Facebook ig打埋哂對的時間錯的人 分手一個人更好諸如此類既歌詞
個期我睇呢d野睇向左走向右走到個人冇黎精神 因我成日諗如果掉轉係我 點解我會打呢d野 諗完佢既動機 又諗下解決方法 剩係呢兩壇野可以玩足你一日 行街個陣個人諗向左走向右走到成個弱智咁 差未滴口水 仲慘向左走向右走過比人打 最向左走向右走Hi既係我竟然睇唔明歌詞上網搵歌詞意思 老老實實經過呢段經歷我先知理解歌詞係一門學問
跟住又試過係電話打比我話唔知自己想點喊哂口 又話自己後生想有更多嘗試 但又驚失去我
其實講到呢到個人已經有些少躁 但都心平氣和同佢講諗好再打比我 我都冇挽留佢 但我唔忍心Hi佢 呢到諗返起都覺傻的嗎 其實一早就要散 唉一個女人喊住咁同你講呢d野
仲矛盾過矛盾一生 矛盾只因深愛著 你知嗎？
呢單野過左幾日 佢whatsapp我又好似平時咁吹水 咁我都當冇野啦 咁又冇事繼續左一齊左兩個月 去過旅行 大家都好開心 個陣我心諗雖然我女朋友唔係咩大波長腿 但其實兩個人係埋一齊開開心心 打情罵俏 我好滿足 個一刻我好想保護呢個女人 好想比幸福佢 打到呢到真係有些少難過
好啦去到上年12月頭 歌詞金句攻勢又黎料 一如以往 我都係成個偵探咁又去查又剩 Hi Hi真係唔向左走向右走明點解會做呢d野
由冷淡變熱情再變冷淡 跟住佢放左一張同男同事既合照
佢隻手有"q"埋去既動作
個幾日我次次入親佢fb都會唉一聲 內心係到講 Hi！同朋友影相好小事姐 咪咁大男人啦好樣 但我係到諗比著係我 我又會唔會咁樣同女同事影相呢
跟住我上youtube睇到條片係講緊有個個案 有對情侶既戀愛問題 女既同一班fd去旅行 男既夜晚打比佢 想知佢是否安全 點知從背景聲聽到女班男仔fd不停講淫野 條女又嘻嘻哈哈咁應佢 條仔就唔知點應付 所以就上網請教
片主就教佢有咩唔高興就直接同條女講出黎 佢顧及你就識得將心彼己 唔會做呢d野傷害你 如果你講完個感受 佢反而無視你 咁都無謂再一齊 我聽完覺得好有道理 同我愛情觀一致 咁就鼓起勇氣同佢講 其實我睇完張相唔係好開心 次次入親去睇心情都唔好 跟住終於觸發到條導火線