「你以前都唔係咁既！你變哂啦！」
那女孩在大街內頭，跟她的男朋友吵起來
「喂小姐，依加你亂咁發脾氣，又係我錯？無野呀你」
那男孩也面紅耳赤，跟他的女朋友吵起來
「我咁叫亂發脾氣咩？以前你會就我，會氹我，依加呢？你變哂啦，你以前唔係咁」
女孩開始眼有淚光
「妖你都打橫黎講。變變變，係呀，我變哂啦，你以前夠無咁煩啦！」
「謝天峰！你終於講出口啦！好呀！我以後唔煩你啦，唔好再搵我呀！」
話不說完，那女孩已經轉身就走，頭也不回
至於那男孩呢？
「死港女！」
接著也向另一方向走，並沒有追回的意思
每對情侶分手，總有他們彼此的理由
很多時候會說
「你變啦，不如算啦我地」
又或者
「我地性格唔岩，不如我地分開啦」
無論係咩開埸白都好
目的，都只係想話對方變，最終分手
但其實我們從來沒有變過
我們的性格，沒有變。行為，亦沒有變
只是每對戀人的愛情開始 都是戴著面具
面對心儀的對象，你會刻意掩蓋自己不好的一面
甚至，故意展露虛假的一面
曾經一次跟朋友經過街邊，看見有團體賣旗
「小姐，幫下手買支旗呀」
那女的看也沒看，黑著面便走過了
但另一次那女的跟一個心儀對象外出約會
事情又變得不同了
「小姐，幫下手買支旗呀」
「好呀:) 當然無問題啦:)」
同一個人，同一件事
為了給心儀對象正面印象
我們都不惜展示自己虛假的一面
「喂，你平時都唔買旗既，扮咩姐」
可能你會覺得那女的很虛偽
但同時，你又認為那男沒有那一面嗎？
每個人為了取悅對方，又或是保護自己
都會露出不同的面目
「點解你會同佢拍拖既？」
「無呀，佢個樣唔錯呀，性格又幾親切，好鍾意幫人同做慈事，同我幾夾」
如果你真係覺得咁，到時你咪「奶野」囉
幾個月後
「喂，好地地做咩分手呀？」
「我地性格都唔夾，成Ｑ日發脾氣，未拍拖之前都唔係咁」
我無言相對
說好的性格好夾呢？
其實每對情侶拍拖戀愛前，總會有一段考核期
只要你做足功課，戴番適合對方既面具
考核期間個考官唔肥你既
咁就代表你PASS，可以升級做情侶
但如果相反你又懶，又唔肯戴面具既
考官睇唔到你既好處
咁最後只可以講一句
「Sorry 呀，我諗我地做朋友會好Ｄ..」
曾經聽聞，很多女生在吵架時都會埋怨說
「我地未拍拖個陣，佢都唔係咁既」
其實也難怪
既然都PASS左個考試，仲點會再去溫書？
未得手當係寶，得到手當係草
呢句說話係坊間流傳左好耐，同樣是一語道破
熱戀期間，大家可能仍未發覺任何不妥
當年月流逝，大家戒心變少，都會彼此慢慢卸下面具
感情隨時間變淡，再也不是戀愛大過天
便慢慢看見對方的真面目
隨之一句，你變左啦
其實一開始就應該明白到 我們從來沒有改變
只是做回最原本 最真實的自己
爾虞我詐 誰知其心
在現實多變的社會下生存，人類戴著面具掩飾自己
其實也是無可厚非
面對著上司你總會是狗屁的臉，卻背後可能數他的不是
面對著初認識的朋友同事，你總不敢過於表露自己真性情
即使面對親朋好友，你也可能表現得份外尊敬有禮，卻跟平日粗言穢語的自己很不同
雖知做人戴著面具很累，但面對種種人際關係，是是非非
相信只有站在鏡子面前，才能看見最真實的自己
如果這樣說，那代表著每對情侶都要分手？
不
世上能夠長相廝守，白頭到老的人何其多
只是他們都懂得為對方打造合適的面具，更願意彼此也戴上
就像婚禮當中，願意為彼此戴上婚介
那面具，就像婚姻的承諾一樣
此身未已，此生不渝