點解我男朋友好似比較另類...
佢廿幾歲,過往既女朋友都大佢十年左右,
什至廿幾卅年佢都試過...
反而細過佢既佢睇唔上眼....
我有諗過佢係咪缺乏母愛先咁樣,
但佢出生自正常幸福家庭,
爸媽對佢都好好...
跟住佢又唔特別鍾意靚女...
佢鍾意肥婆...
即係150cm130磅,160cm140磅左右果種...
有時我係街指靚女叫佢睇,
佢竟然話唔靚,
然後搵個肥既指住話呢種先正...
我問佢係咪鍾意肥婆其實只係鍾意胸大,
佢話唔係,
佢ex都係肥得來A,B cup...
性格上,佢鍾意強勢女人,
控制佢,強迫佢果種...
佢前女友係會打佢
我有時唔係太開心,
因為我完全唔係佢喜歡果類型,
我年齡同佢一樣,
身形唔瘦但無佢果種咁肥...
佢成日想整肥我,
我都為佢增肥左10磅...
而家畀人話我做乜肥左咁多...
我少少唔開心,但佢好似幾滿足,
仲叫我再肥啲...
但我開始變到無乜自信心
原本我幾滿意自己既身形,
本身24腰d cup...
而家肥左後成日畀屋企人侮辱好唔開心
另外我性格本身比較柔,
唔係小鳥依人
但都唔係好粗暴迫男朋友呢樣果樣咁,
佢又想我強勢啲,
我慢慢都變得強左...
而家覺得自己變左好多
好似有少少陌生咁,
但我好鍾意我男朋友,
成日好驚佢會唔要我...
我成日盡量配合佢聽佢話,
其實咁樣會唔會唔係幾好反而唔珍惜我..
未同佢一齊前,成日聽佢話佢ex點鬧佢,
打佢,搞到佢喊,
我好唔開心...
所以我而家對佢好好,
佢都覺得我好好同對我幾好,
但佢總係放唔低佢d ex ge感覺咁...
成日想我肥啲,間唔中又話懷念畀人打,
畀人迫畀人控制之類...
我都覺得佢口味好奇怪...
我而家唔擔心畀靚女搶走男朋友
但好擔心果啲又肥又惡嘅女仔吸引佢
我應該點做好..係咪男人都係比較犯賤對佢越差越鍾意?
網友留言：
——條仔堅有問題，講真你再同佢一齊，唔痴都。。。。。你搵番個正常啦樓主
——.........重點係.............妳係咪靚女先?如果妳係男友心中既肥女神, 咁咪岩哂河車囉
佢男朋友會唔會就似係以下呢種類型呢。。。
via：http://www.discuss.com.hk/viewthread.php?tid=24801921&extra=page%3D141