近日寒流襲港，天氣系59年以來最凍，所以教育局昨日就宣布所有幼稚園同小學今日都要停課！無啦啦多一日假期，睇嚇湯盈盈、陳茵媺同徐子淇三位星級媽咪會同子女做啲咩先！
湯盈盈同老公錢嘉樂本已育有一女Alyssa，佢去年再生埋細女Kassidy，最近已經停工休息兼專心照顧兩位小公主。今日Alyssa唔使返學，所以盈盈昨晚就帶佢去游個夜水，兩母女仲開心自拍！盈盈留言話︰「Night swimming!」相中見到盈盈著住小背心，而Alyssa就笑得好開心。無錯！天氣凍一樣要做運動！
真系去熱水池o架！如果唔系盈盈都唔敢天寒地凍都同囡囡去游水！
而另一位星級媽咪陳茵媺(Aimee)喺呢日就無外出，而系留在家中做「怪獸家長」！唔系話Aimee真系怪獸家長，而系佢陪大仔陳梓燁(Adien)喺屋企做勞作！佢今日上載咗一張勞作相，留言話︰「在這個冷天我同小王子在屋企製造咗兩隻scary monsters! Rorrrrrrrrr…」見到佢哋整咗兩隻好打耳的怪獸，果然放假系可以促進親子感情！
至於千億新抱徐子淇就決定喺留喺屋企嘆熱未古力！佢昨晚喺Instagram上載咗一張熱朱古力的相片，雖然杯朱古力看似普通，不過就配上一隻超靚的花花杯望落勁有貴氣！完全切合佢的形象。佢用英文留言話自己未試過因為天氣太凍而唔使返學，而今次佢就會同孩子們喺屋企整熱朱古力，真系好溫馨！