「渣男」周永恆（Roy）背妻偷食拆散頭家，老婆趙頌茹（阿Yu）死心之下多次要求離婚，惟周永恆始終唔肯簽字，仲話婚姻系一生一世慨事，希望有彎轉咁話。
講一套做一套，啱啱又有讀者爆料，指周永恆再度另結新歡，搭上自稱即將出道慨「歌手」黃詠珊(Cherie、黃芊詠)。報導仲話周生最近成為Cherie經理人，二人已經共賦同居。有指鍾意出名慨新歡Cherie自組「o.m.G」組合，以接酒吧騷、跳辣舞為主，又試過借劉馬車、錢國偉搏出名，仲捲入變面疑雲……
日前Cherie喺Facebook透露，周永恆為佢哋灌錄新歌。(網上圖片)
翻查Cherie慨facebook，自稱剛踏入23歲慨佢曾經喺今個月11日po出同周永恆合照：「謝謝Roy哥哥今日幫我哋錄完曬成只歌，好開心(心心emoji)」，疑似扮唔熟；不過1月5日就po過一張只有男方背面慨攬攬相：「偏偏你有才華便吸引」、早兩個月仲講到明：「He is mine. Do not touch what belongs to me!(佢系我慨，唔好掂屬於我慨嘢！)」，擺明宣示主權。不過周生出名個性飄忽暴躁，昔日小三Ruby曾指控男方「乜都鬧一餐」，Cherie早幾日亦呻：「歷史不斷重演，我好累」......明知愛這種男孩子，也許只能如此！
「偏偏你有才華便吸引」，講緊曾經系唱作人慨周永恆？(網上圖片)
佢系屬於我慨......(網上圖片)
報料人仲向報章透露，Cherie以前「塊面好肥」，今時今日又真系V煞面到㓤手喎！咁神奇慨點解慨？
尖尖尖~(網上圖片)