你哋有無見過癲雞乸？無？我見過，我真係見過！
條命係你自己o架！帶眼識女啦！何必作賤自己？
惡女一夜成名，被人肉起底，名Jenny，其拍拖照被瘋傳，本周一她接受記者訪問時，仍死撐說：「海灘掛紅旗一樣有人照游水。」
在星期日（一月二十四日）下午五時許，一名揹著忍者龜背囊的中年男子，帶著疑似女友（希望佢唔係，否則只能送上無奈的祝福，給忍者龜先生），企圖突破警方的封鎖線，欲登上大帽山賞霜浪漫一番。
當警方阻止時，那隻人形癲雞乸突然發難，除以手機拍攝警員外，又以高八度的人間噪音破口大駡：「點解要限制人嘅自由……我哋有危險，我哋會自己負責囉……條命係我哋自己o架嘛……唔好咁nonsence（廢話）啦……但我係要上去呀……救人係你哋嘅職責……識唔識香港法律呀……」
這幕泣鬼神的片段，旋即在網上瘋傳，更贏得一面倒的負評，風頭一夜之間拍得住坤哥。
我是粗人，讀得書少，又唔識法律，所以一聽見佢把雞仔聲，就想伸隻手摙住佢喉嚨，等佢收聲，慳番啖氣暖肚，只因她在零度低溫下，仲著住牛仔短褲加legging咋！陣間凍親，又點可以在漫天霜雹中，攬住龜先生高唱「風雨中抱緊自由……」呢？
隔住個mon，都可以聞到她那陣脾氣，傳出無比惡臭！可憐那個龜先生，只能夾在女友和警員之間，一粒聲也不敢發出，化身成急凍鵪鶉，把頭縮在龜殼裏。我知，有如此極品的女友，又怎敢抬起頭做人呢？龜先生，你是巴打界的英雄，為免癲雞乸遺害人間，你寧願捱義氣獨力硬啃，犧牲自己的一生幸福，跟她相戀，著實令人滾動，巴打們齊向你致敬！
今次登山賞霜不成，以癲雞乸的性格，一定會對你大發雷霆呼呼喝喝，蠻不講理說：「我唔制呀！我係要睇雪！我係要睇雪！」
龜先生，一場巴打先講吖！你係時候帶她去廚房，打開雪櫃冰格，盡情滿足她：「雪呀！慢慢睇飽佢啦！」然後請放下忍者龜書包，不再做小學雞，不再啞忍成縮頭烏龜，變回一個有男子氣慨的真漢子，跟她說：「分手吧！」
這個世界，雪總有溶掉的一天，正如你的發雞盲，也會有治癒的機會。
擦亮眼睛，你會看到，大帽山下，其實還有很多好女人，在雪霜紛飛的冬日，跟你說：「不如我哋去派暖包同毛毯畀露宿者咯？」
條命係你自己o架！帶眼識女啦！何必作賤自己？
.
.
.
.
.
.
.
.