結婚系人生大事，喺香港由準備婚禮一刻就已經要精打細算，搵邊間婚紗店都要諗清諗楚。一間香港婚紗店Facebook專頁就喺日前上載大量客人對話，力數對方不是，而客人又有另一個版本。
到底呢場婚紗羅生門，誰是誰非呢？
呢間婚紗店WGallery，就上載咗一系列相片，話因為一個港女準新娘，喺Blog上面唱衰佢地。事源系WGallery喺2014年，港女客人K幫襯佢地一個新娘化妝加租衫package，本來K試完第二日仲大讚服務好，仲同化妝師由客戶成為朋友，私下交換聯絡方法。
原來港女客人K成為咗一個關於新婚生活慨社交平台，仲做咗Blogger，K想寫啲咗題材俾Blog，所以當WGallery有新裙時，就會即時去Book裙，影相去試裙。店家指，基本上都會滿足佢慨願望，會俾返曬所有試裙相俾佢，無形中好似變成一種特權。
事件本身喺港女客人K決定撻訂後告一段落，不過店鋪近日就發現K喺佢慨Blog入面，表示WGallery服務非常不滿，話佢想拎返啲試裙相都有難度，又話「氣氛好差…方丈個人好唔nice…」除咗呢篇文章之外，喺近期一篇Blog入面，港女客人K講到自己揀化妝師（MUA，makeup artist），講咗三個化妝師，再次彈WGallery化妝師慨技術唔好，又話化妝師慨態度唔好，仲要Highlight話佢地唔推薦呢間婚紗店。
WGallery見網上被抹黑，就將所有Facebook同whatsapp慨對話內容，以示公正。內容所見，其實K喺入面都不時贊WGallery慨服務好，又話會介紹俾朋友。而WGallery喺Facebook對話入面都講明K咁樣轉款同Hold裙都系一種「特權」，對話內容，明顯同Blog慨內容有出入。
Facebook Post中有唔少人支持店鋪，但亦有唔少人批評返WGallery將客人慨個人資料，例如系小學老師等資料放出嚟公審，侵犯隱私。WGallery最新回應系，已經諮詢法律意見，唔會再對事件做任何回應。而港女客人K近期仍然有更新Blog同Facebook，佢唯一慨回應，就只系話
「終於吐番口冤氣 好多謝願意幫我慨各位，呢幾日受左太多委屈，公道自在人心呢句說話應該系我講!!」