有d長同打到有d 1999，希望大家唔好見怪，首先利申我係借人地AC，我係絲。講返背景先，我屋企係草根家庭，件事大約發生o係3年前，當時我18歲到讀緊書，on居居俾人威逼利誘左去做傳銷，借左財仔3萬幾，最終屋企人幫我還清，但我都已全數還哂俾屋企人，傳銷哩單野先唔講。
講返重點係傳銷後我信錯人，哩個係個今年差唔多40歲既男人，有一段時間係好信任對方，close過，知大家住邊同全名，我當佢係好朋友信佢同佢呻，佢知道左後o個期就不斷同我講有方法幫到我還，包括叫我借錢俾佢做周轉，並應承賺到錢之後幫我還清條數，結果我幾千幾千分幾次咁前前後後過左萬6俾佢，
睇到哩到你可能會問點解我會有錢借俾佢又點解咁蠢會借俾佢，正正因為o個時我一心想盡快還哂d債，所以好勤力返PT，而信任哩d原來只係我一廂情願地建立，就係咁，我將自己辛辛苦苦每個月搵返黎既錢還左每期梗局要還o個d後就俾哂佢，換言之宜家諗返轉頭若然我拎哂d錢黎還債就唔洗捱咁耐同麻煩到屋企人，
咁佢收到我d錢之後就冇話完全消失既，佢話因為上左大陸自己接job做，本身o係HK份工就辭左架喇（幾年前我識佢係做設計的）所以成日唔o係HK，咁到我開始追佢還錢（因為我o個陣就考試又多功課開始頂唔住，冇咁多時間體力返工），咁佢就回我話自己都好唔掂啊好窮咁，都係靠佢o係大陸既女朋友幫佢照顧佢既身活費咁，而我嗰陣都仲信佢既，佢係咁話下個月／過節會搵到多d錢俾返我，但之後當然就係不斷話自己周轉唔到，
而佢應我既內容一係錄音，一係就唔直接承認佢借左我錢，確實係一隻老狐狸，我o係HK撞過佢幾次，佢開頭就話佢阿爸重病，跟住又話佢阿爸死左仲要賣埋層唐樓，就係咁，一次又一次利用我對佢既信任同無知，條數一拖就拖左3年，每次話還都放飛機，甚至＄500都冇還過，就算到宜家其實都仲搵到佢既，但就每次都話之後有架喇，
嗯你地明啦，而最近我行街得知佢宜家o係信和做野（點解我要講到明行街撞到得知？因為佢連返左黎HK打工都冇主動同我講），但都冇用啦，唔通我自己一個女仔走上去叫佢還錢咩，講真可能＄16000 o係一生人之中／對在職人士黎講可能稱唔上係一個咩大數目，但對草根家庭既學生黎講絕對係個負擔，
我有諗過公開佢個樣同電話o個d，杜絕任何機會俾佢去害其他人同警剔哩d咁既人渣，但因為佢都知我全名住邊o個d，我有擔心連累我屋企人，所以暫時blur名擺上黎分享，再後作打算，而我自己當然有自我反省，覺得自己都有責任，係自己易信人同on居，依家已經識諗左， 希望各位巴絲睇完我既經歷後都小心d帶眼識人。