近日HKTV網上出post聘請倉務員，但有高登巴打大聲叫「唔好」，警告各位搵緊工或想轉工嘅打工仔唔好中伏。
原來琴日高登網盛傳HKTV送貨員罷工，唔少網民紛紛cap圖留言…
有人話自己收唔到貨，連HKTV前員工都忍唔住玩踢爆，仲貼曬一系列「倉庫爆倉圖」，批評倉庫七國咁亂，都咪話唔惡做！
網民留言：巴打XXX：「是咁的，細佬我是派貨員， 簡單以局內人嘅身份講下發生咩事啦…
太詳細嘅我唔知，我眼見到嘅就係個倉出貨亂到Hi Hi， 日日出貨都唔會齊，舉例你係客，訂左一包雞湯，一盒CONDOM，一箱懶人包， 同一件日韓衫，因為4樣野係唔同公司出貨，所以有4張單出左黎， 而倉係夠膽死一日出一張單，分4日出!」
巴打YYY：「梗係罷啦
送貨時間朝九晚十一 日日同一班人做，又無輪更 最後一單送完仲要返個死人倉交單點單
幾十條友一齊交，玩一玩成十二點一點先走得 第朝又要9點前返到去，負責新界區既仲要8點半返到，咁返法點好樣頂 返遲1，2分鐘就無埋勤工獎 佢個倉個lift又慢到on勁，得兩部又成日壞
每朝都幾百人排部lift，根本就遲向左走向右走硬，焗勁你無左份勤工」
有巴打索性召喚維基…
巴打ZZZ：「 為左入面做緊既巴打著想, 唔好買野住, 費事加重work load, 等佢地hea收7k抗爭 直到人工水平去返真。公義」