唔知醒已經寫到咁，如果真係病又會點寫？(網上圖片)
巴絲們有冇試過唔知醒返學而請假？咁又會用咩請假原因呢？今日網上瘋傳一張請假相，係台灣一位女學生因為唔知醒返學，其父親寫咗篇「請假理由」畀學校老師請假。
呢篇請假信無得輸！(網上圖片)
既然封請假信喺網上有咁多人討論，信嘅內容當然有番咁上下水準啦，有好嘢一定要開心「些牙」︰
「此證明小女於民國105年元月8日，因夜不早寢，以致夙起之時，眼皮突感不適，上下眼皮交疊，無力分開，小女雖奮力於其抗衡，卻力有不逮，無法攻克此一逆境。經一個時辰之浴血奮戰，終於待得吾軍之支援，終將此況解除，驅離所有不適之狀，使其眼睛重見光明，靈魂又現窗開，心思得以澄明，故此特向貴校教官請假須臾，還望師長恤其與自身征戰之無法自拔，諒其遲至之過。感激不盡！」
呢位爸爸嘅文筆真係一流，唔止將個女唔知醒返學寫到合理化，而且仲形容當時係「浴血奮戰」，誇到無人有。不過為人父母咁做，好似……
封信咁精彩，網友都like爆。(網上圖片)