打算係農曆7月14左右，其實都知衰架啦，但男友生日，所以同男友去左荃灣間酒店，都幾出名，動物圖案既一間酒店。
預約左，上到去點知係尾房，房號好似係2046定其他深刻既房號。
可能自已其實已經唔鍾意尾房，覺得好唔舒服，之前都book 過房，但無而間咁樣，從未試過。
好，講返間房。
間房好暗，重俾我一種好殘既感覺，廁所好恐怖既感覺，男友重安慰我：唔好咁啦！因為我一入房已經唔安心，好驚既感覺，感覺地方細但好似有人望住咁，周身唔舒服，唔會想停留既感覺，而啲燈偏白，係我不安既時候，我坐既位有燈閃左下，我叫男友一定要轉房，我就話如果無房我寧願返屋企都唔想係到，酒店好快話好爆無房，無耐然後成間房啲燈熄曬，男友插過幾次卡都唔得，我個心真係好唔想留係到，我同男友直刻出房走，係酒店電梯前再打要求轉房，酒店詢問咩房然後好快幫我地轉。
之後轉個間環境完全唔同，安心好多。
其實我地都驚同知道咩料所以就無再提起而單野，後尾朋友話俾我聽，原來個間酒店係好猛。
係而道我想問下，其實咁樣算唔算係撞到啲野？定自已疑神疑鬼？