男（26歲）大我一歲，兩個都未拍過拖，而且係一個怕羞但健談嘅人，對愛情好認真，覺得真係啱先會開始，都好慢熱（從男的朋友口中得知）
在一次工作中見過面，覺得佢好charm，好想親近佢，為左佢，參加左佢嘅一次聚會，同佢都好好傾，感覺到佢係怕羞。之後送咗一張卡比佢（寫咗幾句嘢，講緣份果d）。之後我主動加咗佢wechat，我叫佢即場加我（我驚佢唔加）。
之後有傾計，多數我問佢嘢，佢有時都會秒覆同覆得好詳細。中間都有傾計（我主動搵佢傾）。一個星期後，我一步一步來，約佢，佢話可以食飯，但佢好忙，仲未 約實。中間我想見下佢，就整咗心形朱古力拎比佢之後就走（送多一張卡，暗示下對佢有意思）。之後個兩日佢搵我都圍繞講朱古力。我再約佢，佢都未得閒。再過 兩日佢主動問我出來。
我地就出來。兩個鐘嘅相處，都好多嘢講，都好開心。講88前我再送嘢比佢（送多一張卡，再暗示下對佢有意思）。走個時冇話下次再見。 個日返到去，我冇搵佢（我覺得今次唔應該我主動），佢都冇搵我。第二日佢搵我話個禮物好靚，多謝我。我地都有傾幾句。
之後佢send咗一樣嘢比我，話 2015最後一日可以問佢一條問題，佢會誠實答。我問：你有沒有喜歡的人？佢答：暫時冇喎～ 我朋友話佢可能帶我遊花園。。你地點睇？？
呢幾日我都間中搵佢傾計，係我主動。我唔係日日搵佢，我怕佢覺得我煩。我好想同佢傾計，問佢嘢佢會答，但佢唔會問翻我。初初一開始佢有問下我嘢，但之後都係我問佢答（唔hea)。真正傾計到宜家廿日倒。我係一個好心急嘅人。好想傾計，好想再約佢⋯⋯
呢段關係點？