今時今日，最受囡囡歡迎嘅男生並唔系高富帥，而系能夠慰藉女性心靈，千依百順、溫柔體貼嘅「暖男」。
既有「暖男」，當然亦有「暖女」。「暖女」特質同「暖男」相似：真誠，體貼、關心別人、充滿正能量、無限量支持另一半，為男人帶來幸福感嘅治癒系女生，好似太陽一樣，為男士心靈提供溫暖，成為佢哋精神上嘅避風堂。
以下10位中港台日韓娛樂圈「暖女」代表各有不同特質：
1. 永遠嘅頭號支持者：關詠荷
多年前佢已經系電視界一姐，張家輝嘅知名度遠遠不及佢。張當時抵受唔住輿論壓力，向關提分手，關同張家輝講咗句含超重洋蔥嘅說話：「冇錯，你而家冇（成就），但我相信你將來一定有。」佢喺張家輝身邊不斷給予鼓勵，兩人中間曾分開過，但關亦幫忙照顧張患病嘅家姐。張拍《紅河》時患上抑鬱症，都系靠關不離不棄陪伴先至走過。
張家輝《你是我心愛的姑娘》 電影《陀地驅魔人》主題曲
2. 心靈避風港：郭藹明
1991年香港小姐冠軍，選港姐前已經系碩士，1989年更曾任美國太空總署兼職見習工程師，之後太空總署表示等佢從香港返去後會請佢做全職，但佢喺香港同青雲熱戀後就決定留喺香港。青雲曾表示郭嘅無限關心、細心聆聽等特質，令佢嘅壞脾氣改善唔少。今年劉青雲喺金像獎台上感謝太太：「我要多謝我太太，每次我搭上太空船唔知去左邊度嘅時候，你總系有辦法將我帶返嚟地球，多謝你！」
3. 默默付出：江嘉年（梁家輝太太）
近年網上流傳一篇講述梁家輝同江嘉年嘅愛情文章，內容講到梁家輝喺經濟拮据及遇上黑社會逼拍戲時，江嘉年都搏嘅命出手相助，但鮮有向旁人提及，如果唔系梁嘉輝講出來，都唔知江如此為另一半默默付出。而事實上，梁家輝人前人後都的確好愛老婆同一對孖女，可以證明江嘉年對佢來講系何其重要。
4. 人靚心亦美：林依晨
被評為零負評女神。家中負債，佢憑一人之力還清。同佢合作過嘅人，無不形容佢啊好善良、細心，喺片場永遠好陽光。就連舊年佢訂婚嘅喜餅，都系低調選擇從智障人士嘅慈善機構訂製。咁好嘅「暖女」，男士們好想要吧？
5. 甜美溫和女孩：陳意涵
喺台灣同內地都極有叫座力嘅影視天后。之前參與旅行真人show《花兒同少年》令更多人鍾意佢，個性不溫不火，唔會隨便抱怨，唔依賴，好照顧人哋同面上總系掛住笑臉，非常陽光，好多網民都表示睇到佢出場就覺得好溫暖。
6. 家庭擺第一位：白百何
被傳媒冠以「女性主義電影女王」嘅稱號，拍攝過《失戀33天》、《分手合約》等多套溫暖人心嘅電影。戲裡戲外都為人親切，2006年同羽泉組合嘅陳羽凡結婚，08年誕下仔仔元寶，佢對老公同個仔都關懷備至。為咗家庭會限制自己每年接拍電影數目，之前佢個仔讀小學，佢仲特意請咗一個長假陪伴個仔左右。佢曾表示名利次要，家庭第一，如家庭需要，隨時都可以抽身放棄離開。
7. 治癒系N0.1：新垣結衣
曾被評為笑容最吸引男性、最治療嘅日本女星，形象一向好清純。而且拍攝過《戀空》、《再一次說愛你》等溫暖感動電影。一提到佢嘅名字，好多男生都一定會贊好，網民表示每次睇到佢，都覺得充滿力量。
8. 體貼妹妹：IU
韓國國民妹妹，無論男女都好鍾意佢，唔做作、平易近人、心地善良，經常做出照顧粉絲嘅行為或出席公益活動，所以被粉絲稱為「暖女偶像」，歌聲亦十分溫暖，好有治癒作用。
IU李知恩翻唱謝安琪《囍帖街》
9. 最強後盾：陳薈蓮（周潤發老婆）
同周潤髮結婚近30年，父親系新加坡富商，但系無小姐脾氣，個性溫婉賢淑，據講發哥對佢系一見鍾情。發哥曾喺報道中形容太太系佢嘅私人秘書、經理人、煮飯婆、半個律師、公關同英文補習老師，系一位非常稱職嘅賢內助，生活中大小事都由佢打理而且都處理得好好，包括所有錢都由陳所管，發哥每日就只得幾百蚊零用錢。真系神級「暖女」！
10. 為另一半補位：林惠嘉（李安老婆）
佢先後取得美國伊利諾大學香檳分校微生物學碩士同博士學位，1979年同就讀該校戲劇系嘅李安認識。林惠嘉喺李安畢業後6年，負起養家嘅重任，李安則為咗方便隨時抓住拍電影嘅機會，擔當家庭主夫。佢非常支持同理解李安嘅電影夢，連生大仔時，因唔想阻礙喺片場嘅李安，獨自去醫院生產，同李安講嘅含洋蔥金句就系：「別因為生計而忘了理想，李安只適拍電影和炒菜。」
嗱嗱嗱，男士們可以叫另一半學習一下以上10大「暖女」特質，不過都系果句，首先你要有…
金句王
微信號：jinjuking