今日網上流傳一段短片，一位香港少女拍咗一段三分幾鐘的短片，話要講一個「警訊」的故事，聲稱佢只有12歲的弟弟喺網吧識咗一個肥仔，結果俾對方呃咗3000蚊！
家姐就話個肥仔一開始對佢弟弟好好，請佢弟弟食嘢又幫佢買點數，但不久後肥仔就露出真面目，話自己女朋友借咗「大耳窿」五萬蚊，所以急需要錢周轉，向弟弟借五千蚊。但弟弟冇咁多錢，喺問朋友借的情況下都只係俾到3000蚊對方。(依家啲中二小朋友都幾有錢喎)
家姐想理解發生咩事，所以就WhatsApp搵個肥仔。肥仔錄音講得好輕鬆，話總之一定會還錢俾弟弟。家姐一直幫弟弟追討，對方當然就係一直用各種理由拖拖拉拉，最後直頭電話都唔聽，WhatsApp亦一直沒有回應。
片尾家姐叫大家小心啲，唔好好似佢弟弟咁上當，重申喺網吧識人係一件危險的事。最後不忘以一個甜美笑容講聲「多謝大家！」
好啦終於要講重點，其實小編同好多網友都一樣，睇呢段片的時候目光都係集中喺家姐身上，搞到個詳細案情無人想知… 大家最想知應該係呢位對弟弟咁好的家姐叫咩名同幾號電話(好似係)。 長髮家姐的樣子清純、笑容甜美、皮膚白晢，而且睇得出身材相當唔錯…真係不知幾多人都想有個咁索…對弟弟咁好的家姐！