適中字型 較大字型
陳凱琳（Grace）﹑韓國歌手SE7EN﹑吳業坤﹑洪卓立及黃心穎，噚晚出席上水廣場舉行慨除夕倒數活動。
日前有報道指Grace靚樣驚變《恐懼斗室》木偶Billy，蘋果肌尤為明顯，Grace就被指整容。雖然被指整容，但無損Grace靚爆心情，噚晚換咗兩套衫，又喺台上獻sing唱《我的驕傲》，並與SE7EN玩遊戲，相當投入。
講到有關變臉及整容報道，Grace澄清冇整容：「系呀，我冇整容，覺得系一個讚賞，通常畀人話整容都系整靚啲。」話以木偶Billy，佢就答得幾得體：「我有睇過，個公仔蘋果肌真系好大好靚。」
Grace表示冇為報道感到唔開心，又說：「因為自從選完港姐，不斷有好多報道及唔同說話，我覺得得啖笑就OK，自己唔會介懷。」咁家人同男友鄭嘉穎有冇唔開心？佢話：「佢哋都冇乜嘢，最緊要見到我都唔介意的話，大家可以Move on。」
另外，日前佢同嘉穎出席胡杏兒婚宴，有冇見到嘉穎舊愛周麗淇？Grace表示冇見到，因為當晚好多人，但佢話第時見到面都會打招呼，亦唔會感尷尬。問佢今年有冇結婚計劃？佢就話冇。
此外，Grace噚晚獻sing，佢話有請教嘉穎教路，叫對方畀啲意見，而嘉穎叫佢放膽去唱，唔好緊張。
而黃心穎被問到覺唔覺得Grace整容，佢話：「唔覺得佢整容，反而覺得佢瘦咗好多，可能拍劇辛苦。」見到Grace及嘉穎拍拖，恨唔恨先？佢話暫時冇諗，自己唔會特別恨或抗拒。
Grace否認整容，又謂唔會為報道感到唔開心。
Grace話木偶Billy蘋果肌又大又靚。
洪卓立
Grace表示見到周麗淇都會打招呼，唔會感到尷尬。
心穎BB表示暫時冇諗拍拖。
Grace與SE7EN合照。
（資料圖片）