老實講，唔系有心打擊其他師弟，唔同層次，眼界，溝D女，都唔同！
叫人買勞扮撈得掂？土唔土D！
老實講，就系因為有人喜歡買勞扮搵到，所以，而家有D錢，都唔會帶勞。
你帶勞，我多數估你系酒樓侍應，地盤佬，化妝小姐，絕對唔會覺得你系銀行家！
香港女仔，最聰明，二三十年前第一次見面劈頭第一句一定問，你住邊道。第二句，間屋租定買。第三句，你撈邊行。
呢三個問題，你比唔到滿意答案，你有車有勞有白金卡都無用，絕對經典無料扮四條！
與其花錢去買車買勞，不如比D心機攞呢畢錢去投資，三五七年後買樓不是夢。
要知道買左車等於有洗費，唔好講落地已經無左一半，淨系每個月油錢車位都三五七千，小數怕長計，點解有D人一世買唔到樓，只因喜歡充大頭！
講個故仔你地聽：
話說我有個剛剛出來做老闆的行家，成日喜歡帶住隻Piaget走圍曬，重要系一分鐘看三次時間果種曬法。
我唔知道你呢個層次覺得勞好定伯爵好，不過我地呢班老鬼一向覺得伯爵又如何？一年酒錢都唔止。
終於有一日，行家圍埋食飯的時候，有個擦鞋仔都頂唔住，問左條友一句，「老闆，你真系好喜歡呢隻表？」
條友好驕傲甘話，「系啊，伯爵來的！」
擦鞋仔來了一句，」我都覺得系，見你帶來帶去都系呢隻，你一定好喜歡!"
哈哈，條友馬上面都黑埋，無聲出！
呢個世界，如果你日日帶住都系果隻表，唔好話勞力士，就算系伯爵，人地都知道你無錢死充，因為有錢人唔會日日帶住同一隻勞力士，企系屋企門口等巴士！
所以奉勸大家，你是什麼階層，就怎麼樣消費。
就算你辛辛苦苦儲錢買得起奢侈品，你只得一件，人地只會更看你不起，因為好明顯，呢D叫～
充～大～頭！