23歲賭王仔何猷亨早前被爆曾力追陳凱琳，又傳猷亨買過外賣俾劉佩玥食，最終猷亨情歸26歲嘅「新一代宅男女神」陳瀅（Jeannie），真的戀愛ing，今日有周刊爆，猷亨同陳瀅十指緊扣拖手行街，戀情斷正，報道更指猷亨「包起陳瀅」，安排女友入住四太梁安琪名下君臨天下一個複式單位，方便二人見面，又被爆二人去日本札幌過白色聖誕。
《蘋果》向猷亨求證此事，猷亨承認陳瀅係情侶關係：「係拍緊拖，大家都想低調，因為拍拖係私人事，我唔想影響對方嘅工作，唔想影響佢喺娛樂圈工作。」問到佢哋開始咗幾耐，猷亨就表示：「唔使交待咁仔細，我哋係識咗好耐，喺外國讀書時已經識，係朋友介紹。」
對於報道指佢「包起」、「包養」女友，猷亨就激動表示：「絕對冇咁嘅事，十分唔尊重我同對方，我強調冇嘅事，人哋住嗰度同我冇關係，亦都同我屋企物業無關係，佢住邊同我零關係，「包起」、「包養」唔係事實。」至於指女友撬劉佩玥牆腳，猷亨更有點勞氣：「我講咗好多次，澄清過，同佢不嬲都冇嘢，真係朋友關係，冇拍過拖。」
另外，四太梁安琪現時喺澳洲傾緊生意，《蘋果》今日致電四太問佢知唔知囝囝嘅感情事、有冇見過陳瀅，佢冇直接否認：「我見過好多女仔，成班個個都靚女，唔知你講邊個，可能係都唔定，不過個女仔喺TVB搞嘅保良局騷見過。」問到佢反唔反對囝囝拍拖，四太就話：「點可以反對，仔女大咗都要拍拖。」
不過，報道聲稱四太係批准囝囝將君臨天下複式畀陳瀅住噃!四太就急澄清：「我嗰度有好多物業，嗰啲大單位已經租曬出佢，可以肯定講百分百冇呢件事，肯定冇，肯定(炒)作出嚟!」對於囝囝被形容「包起」女友，四太稱唔想表態，只話冇睇雜誌，唔知本雜誌點解咁寫
與女神陳瀅拖曬手
猷亨俾女友入住複式豪宅
陳瀅被網民封為「新一代宅男女神」
賭王仔何猷亨早前被爆曾力追陳凱琳，跟住又傳主動買外賣畀劉佩玥，最終猷亨似乎情歸另一個，今日有周刊爆，猷亨同「新一代宅男女神」陳瀅（Jeannie）拍拖，仲被影到佢一齊拖手行街，戀情斷正!
據知，猷亨近年已接手部份生意，成日要港、澳兩邊走，為咗方便見女友陳瀅，雙方拍拖未夠一個月，佢就安排陳瀅住君臨天下一個複式單位，據知四太喺君臨天下有多個單位，更指猷亨已問過四太，成家都知佢哋拍拖，難怪猷亨大方俾女友入住。
猷亨上周喺澳門做完嘢，即趕返香港見陳瀅，二人更十指緊扣由新竇行去圓方商場拍拖，由於係住戶平台花園過廣場，陳瀅BB都放下戒心，任由男友拖住佢行，行到W酒店先鬆開隻手，佢哋先去買蛋糕，跟手陳瀅陪猷亨去名店睇嘢，行行嚇，陳瀅BB發現有周刊記者影緊，佢就拋低猷亨，急步走人，本來想返新竇，不過，又怕被人影到，人急智生，居然走咗去機鐵站個廁所，匿足半粒鐘。
報道又指，由於陳瀅BB閃得快，猷亨都唔知發生咩事，買完嘢即打電話俾藏喺廁所嘅陳瀅，最終陳瀅BB見在場記者未走，佢就喪跑走人，據悉佢哋都唔係第一次被人影到，早前已被爆去二人去跑馬地撐檯腳。
據報道指，猷亨同陳瀅今年仲一齊去札幌滑雪過聖誕，喺boxing day(26號)當日先返嚟香港，陳瀅都戴眼鏡同口罩，不時四圍望，
佢哋，二人推住兩車戰利品，而猷亨都好有氣度，一齊去停車場攞車，猷亨將所有重嘢搬上車，女友只係負責睇實啲嘢，跟手做司機，親自送女友返新竇。