我大學讀歷史，出到來搵唔到好工做......休息左兩年，四圍去旅行體驗人生。係旅行途中，我既價值觀改變左好多。因為我發覺，外國好多藍領都好有出息。
舊年我返香港，決定做機場保安，腳踏實地重新做人。我一路做得幾好，仲好快有人工加。
我加完人工，急不及待同女友講......
可惜，惡夢開始了。
女友質問我幾時考警察，質問一個保安點樣養佢。佢話係微信識左個警察，個警察對佢好好，好有安全感......
唉......去到呢個moment，我已經忍不住眼淚。原來女朋友已經變左，佢已經唔再屬於我。為左佢好，我只能夠同佢分手，等佢正式同個警察一起。
其實，保安都系份正當職業......點解要咁睇我唔起，貪錢就貪錢啦......點解要呃我。
所謂瘦田冇人耕，耕開有人爭。
憑我大學歷史系得出來的眼光，呢行有得發圍。起碼我做左半年加左兩次人工，係同事中十分標青。
遲早做到看更大王。
——完——
但有網友發現另一個post，懷疑佢就係「看更大王」嘅女朋友！
PO文：
我同男朋友由大學畢業拍拖拍到而家
我畢業後做過幾份工 都係做教育事業 而家就做緊幼稚園老師 人工都算ok 我都好鍾意同小朋友玩
男朋友畢業做左兩年雙失 去左幾次旅行先搵工 果時已經有d不滿 但佢話要體驗下人生 見識多d 算 我都由佢喇
兩年之後佢就開始搵工 但呢兩年不斷有freshgrad畢業 佢有兩年空白期 經驗少過同期畢業既人 見工俾人問到口啞啞 點搵到好工呀?
後來 佢呢份又唔做果份又唔做 又話想考紀律部隊 警察/入境 我心諗做政府工都算好呀 人工好好 年年有point跳 但點知佢去左做機場保安囉...超級失望
堂堂大學生走去做機場保安 呢啲中五都做得啦 仲洗讀大學既?
佢話想做下航空業 但又唔想做地勤果d 話哂機場保安都係著制服 第時考入境都有幫助喎
我心諗點解你唔直接考入境 根本佢就係懶
而家真係認證左我既諗法 佢做左機場保安兩年喇 係有加人工 但係加完仲少過我囉
佢今年27歲喇 再唔考又俾其他freshgrad考左 尋日我忍唔住同佢講啦
佢竟然話而家既生活幾好 hea下hea下 穩穩定定又一日 係輪更有d辛苦
我下左聲 再問佢諗住幾時考入境
佢話唔考喇 就快又加人工 諗住長做機場保安
我o哂嘴 諗番起佢畢業果時 仲同我講要好快搵到人生第一桶金 唔會俾我捱窮 一定會俾到最好既生活我
而家成個人竟然頹哂 仲覺得做機場保安好好 一事無成 完全冇上進心
諗諗下我喊左出黎 佢即刻安慰我 仲話做呢份工都有能力可以同我結婚 叫我唔洗亂諗咁多...
我真係....都唔知講咩好了
想要個男朋友上進d
搵到份有前途既工姐
真係咁難?
樓都算喇
可以住我屋企
結婚我都只係想簡簡單單 簽張紙就得唯一要求，係想男朋友有能力買到類似呢啲既車
每日可以接我番工放工我就好滿足
但以佢咁既性格同慵懶既心
又點做到呢?
via：http://www.discuss.com.hk/viewthread.php?tid=25183696
via：http://www.discuss.com.hk/viewthread.php?tid=25185238