我同我個ex三年前開始，一開始既時候都好好佢唔會遲到好準時(因為我個人好小遲到約人多數會早到15分鐘)，
大家都要反工我就話不如一齊住，一年後佢同我搵到地方，頭個一兩個月佢都好好會汁下屋洗下衫同碗，過左兩個月之後就係惡夢既開始，每次佢一放工就會話好攰咩都唔做除曬D衫褲係睡房地下換件睡衣，D反工衫永遠都放係地下直至我洗衫個日先會消失所有家務都係我做曬。
平時夜晚係我煮有時煮多左我地都會帶飯反工司食，有時佢食唔曬帶反反屋企用個紙袋放係地下，好多時佢會用個D紙袋拎文件所以我唔會為意直至發臭，發臭之後佢自己又唔洗又叫我幫佢洗，每次佢帶飯我都會叫佢食唔曬唔好帶反屋企D飯掉係公司垃圾桶次次都唔聽都算啦，
每次星期六日我地都會出街食下就個餐，我地多數都係9點到起身叫佢起身沖涼落街搵位食飯同知佢可以懶係張床三四個鐘搞到我發脾氣先去沖涼，沖完涼仲要等佢化妝呢到都要等佢兩個鐘，等佢搞完一餐我地兩點半三點先可以落樓食飯。午餐就食唔到成日都係食下午茶餐，
星期六夜晚多數都會反我屋企人個邊食飯星期日朝早就同佢屋企人飲茶(每個星期日佢都可以好早起身叫醒我8點半都可以出到門口我地搵位)，直到上星期六我個ex老豆有朋友買左好多海鮮所以就去左佢屋企人到食晚餐星期日就同我屋企人飲茶，咁我就同我屋企人講星期日星期日9點半邊到邊到飲茶我地去搵位，點知個日我如常咁起身沖好涼見佢未起身就叫佢起身啦，點知佢又係到懶床9點都仲係張床到，
我就同佢講快D起身啦我地遲到啦，點知佢可以回我一句[你米行囉個個係你老豆老母又唔關我事] 個一刻我火都黎完全覺得佢唔尊重我屋企人我發皮氣好大聲一句你行唔行，佢先至慢慢咁去沖涼化妝，
之後我地11點先出門口由出門口到酒樓一路都黑口黑面都算去到酒樓我屋企人都好聲好氣咁同佢講叫佢食多D野鐘意食咩就叫，問都無問過點解遲到個D野，點知佢一句話心情唔靚唔食啦就坐到我地俾錢，
飲完茶我老豆老母就去旅行社我同佢就反屋企，反到屋企我就問佢你有無搞錯呀你一D都唔尊重我屋企人我屋企人已經好聲好氣搵曬位你都可以咁講野咁對佢地。佢就講係唔係唔得呀，
個時我已經忍住唔發皮氣對佢慢慢咁同佢講咁點解你同你屋企人去飲茶你可以一早起身搵曬位而我屋企人就唔得，佢話個個我老豆老母黎我硬係要對佢地好D啦佢地得我一個女乍你老豆老母關我咩事姐。個一刻我好冷靜我同佢講我地分手啦月底前唔該你搬走曬你所有野，係呢幾日我同佢都分開訓，直到今日下就佢打左個電話俾我
問我係唔係真係想分手如果唔係既話就同我講對唔住，我話係唔該你快D搬
係佢講第二句說話之前我就收左佢線
到左今日我都唔知點解可以忍到條死港女兩年一D都唔識尊重人又自私!!!!!