虐殺動物呢個行為不論喺世界任何地方都會引起公憤，甚至會被有關當局追究到底，最近喺香港又有位港男虐殺自己家中的寵物，仲將相po上fb，結果被人狂插，但港男仍死不悔改，態度仲極其囂張，引發網友將此事瘋傳。
日前有位港男疑似因為家中寵物豹紋守宮咬咗佢一口，佢一怒之下直接將守宮打死，仲將疑似染有守宮血跡嘅拳頭同守宮屍體影相放上FB，仲附上金句:「我說過不給予人後悔的機會。你忘記了，我提醒你。」、「別傷心。所有罪孽由我承受，下輩子我去償還，但怪只怪牠今生跟錯主人。」
當網友喺fb上發現呢幾張相同金句後，都紛紛狂插港男「持強凌弱，以大欺小，無品」、「好過份，仲以為自己好威威，推上公眾媒體」、「隻小動物根本咩都唔識，就算咬人都係自我保護，又唔係蓄意傷害個傻仔，而(依)個傻仔係蓄意傷害隻守宮，呢個賤人不如爬行動物」，甚至有人話已經報咗警，但佢一啲都唔警，態度仲非常囂張回應各位:「告得我入，我跟你姓」、「Can't wait to see what you could do(等住睇你可以做啲乜)」、「Anyway, BLOW ME!(無論如何，吹咩)」，真係毫無悔意。不過香港又真係冇乜法律保障動物嘅權益，的確比較可悲。
豹紋守宮主要棲息喺中東沙漠邊緣地區，沒有毒性，對人類攻擊性極低，以昆蟲為主食，現為全球最流行人工飼養爬行類寵物之一，因其多變的色系、容易繁殖及同人類互動性強而極受爬行類動物愛好者歡迎。