適中字型 較大字型
李思欣同范振鋒投資慨網上鑽石生意今日喬遷之喜，喺銅鑼灣搞咗個剪彩開幕，思欣話:「生意做咗兩年幾，之前系好細慨80呎office，系分租劏房型式，依家擴充變豪宅。」
思欣指因為有投資者注資，所以擴充，思欣話:「老闆娘之前嚟我公司買鑽石，佢話有得做之後注資。我哋業務集中喺鑽石，希望擴大，多啲人認識，揀到慨石又平又抵。」思欣指喬遷後成本確實高咗，對於生意額，思欣話:「一個月大概幾百萬營業額，有時一粒石百幾萬，希望可以上巿系我慨心愿。」
李思欣兩夫婦除咗搞鑽石生意，仲有餐飲、保齡球場、電影製作等，思欣話:「鑽石主要系我負責，老公搞餐廳，0依家保齡球場啲生意麻麻地都要蝕。」0依家屬自由身慨思欣仍有接拍電影，剛拍完電影《選擇遊戲》，之後又拍老公監製慨江湖喜劇。
李思欣慨網上鑽石生意今日喬遷。
思欣希望公司可以上市。