與其說吵架，應該是說我跟他講分手，但一個禮拜後我們就復合了，但岩岩知道左佢係嗰個無聯絡既禮拜去左搵女人........
其實係佢親口同我講，因為我地係long d , 佢呢幾日飛黎同我過聖誕節，佢睇完我電話，我就問番佢比部電話我睇，但佢死都唔肯，到去機場送佢機時，我就忍唔住爆話佢點解唔可以比安全感，最後佢係等上飛機時，傳左一d 女女廣告俾我睇，話呢d就係唔俾我睇手機既原因，之後佢就應話有搵過一次係嗰個我們分左手既嗰一星期......
雖然唔可以用安全感為由check 手機，但之前我們一起住時佢已經成日有好多msg，嗰時其實佢都唔肯俾我睇佢電話，但因為嗰時我們幾乎24小時一齊（返工同住都一齊），所以我嗰時都有疑心，但都選擇性略過.........
佢亦好鐘意講一d野去激我，例如我懷疑他跟某個女生有路，佢就會同我講嗰個女仔間房既燈係點.....之後我就腦裡面就即刻有些小劇場.....=.=其實我覺得佢好幼稚，成日想用呢d方法讓我緊張佢......
好啦，重點係佢對搵過女女呢件事完全無悔意⋯⋯雖然我尋晚都回佢話嗰時我算係同你分左手，你嗰段時間做咩我都無權過問，但我覺得既然你都選擇同我起番埋一齊，點解連丁點內疚都沒有......
其實我真係好感激佢對我坦誠，但佢完全無對唔住我既心態呢點卻讓我很傷心，唔想再同佢一齊.....
如果咁樣同佢分手會唔會好衰女？真係好難得好難得佢今次可以對我咁坦白，我怕咁樣分手，會影響佢之後對其他女生唔會再坦白
P.s 佢係台灣人，據他所說佢有過好多女朋友，以前做過偏門，亦會去搵女人
——完——
巴打留言：
叫雞叫到亳不掩飾0既男人係超級賤人黎
慣性以搵女人出氣、侮辱女人來發脾氣
慢慢會演化到動手打女人0既...通常就係呢種人