相信好多80後都有體會，身邊D朋友，尤其系果D成日系facebook曬BB相既，好鍾意問個問題，就系：你都唔細個啦，點解仲唔結婚生仔啊？
對於咁樣既問題，一般既回答，只能系：「呵呵」。
其實，就因為到咗一定年齡，就應該結婚生仔？？咁中國人平均壽命70歲，系咪到咗呢個年齡，就應該去死啊…
點解仲唔結婚生仔，咪因為一個「窮」字咯…而且，窮，就冇信心教育好BB。
依家好多人，都未諗清楚自己點解要生仔，就生咗…有既就系夫妻生活平淡，想生個仔玩下；有既就覺得年紀唔小啦，應該要生仔啦。
都唔考慮後代既，毫不負責，就將個生命製造出來…
有人就話，窮咪窮養仔，富咪富養仔咯，有乜關係啫，我哋細細果陣咪講進口奶粉，有奶粉食都唔錯啦！咪一樣咁過來，智商都冇問題啦~屌
80後既各位，細個時條件都差唔多，食得飽穿得暖就得啦，好少有歧視既問題。依家咩年代啊？屌，你個仔既同學都用iPhone6S，放學有寶馬車接，佢睇住，心裡咩感受？你唔好講乜「我教好我個仔，教佢唔好攀比咪得咯~」
屌，你捫心自問，你自己做得到唔攀比嗎？自己都做唔到，點要求你個仔做得到啊？咩慾望都得不到滿足，到咗青春期一衝動，男仔難免搞D小偷小摸，女仔就坐上富二代部車去「兜風」啦~
有既人自己好窮，生咗BB之後就經常講：「家庭條件雖然差咗D，但好好教育，將佢培養成才！」我就想問啦，你以為教育系萬能架？一個班級一個老師，都會教出三六九等既學生啦，有人去讀清華北大，有人就去藍翔學挖掘機。
你點就可以咁自信，你個仔就一定唔會系學挖掘機果個呢？最重要既系，「好好教育」既「好好」系咩意思？如果你真系明，點解自己未將自己教育好啊，自己都未教育好，點教仔呢？
好多人所謂既「教仔」，無非就系一句話：「你老豆/阿媽呢世就系咁啦，你唔同噶，你好聰明噶（無根據既判斷），你好好讀書，我哋砸鍋賣鐵都供你食、住，你一定要爭氣啊！」
將改變家族命運既壓力，全部壓到個細路身上，咪就系撞大運咯。自己冇機會啦，就指望個仔實現自己未實現既夢想，呢叫做「教育」啊？呢叫做不負責任！
得，就算你個仔好有天賦，但有咩天賦生出來你就知咩？咪都要試過先知。假如你個仔系鋼琴方面好有天賦，結果你都冇錢買架鋼琴俾佢，有天賦又可以點呢？
有錢先可以教育好後代噶，真理來噶。點解牛津既學生都來自富裕家庭？（70%貴族學校）當然唔系因為有錢人基因好，系因為有錢人占據咗更多既教育資源。系中國就更加系咁啦，人口咁多，資源就好少。
有錢人家既仔可以去歐洲近距離睇艾菲爾鐵塔，羅馬斗獸場；窮人既仔就只能夠系書上邊睇。有錢人家既仔可以系國外同D鬼佬用英文談笑風生；窮人既仔就系村入邊學，音標都好難發得准，好現實噶！
所以呢，如果要生仔，最好都有D經濟基礎先考慮啦。
有人要問：丟，你系咪睇窮人唔起，窮人就抵死咩？
唉，當然唔系啦，但D差別好客觀咯，掃大街、撿廢品既人，同揸飛機，搭遊艇既富二代真系冇差別？每年馬路上邊有幾多清潔工人被車撞，佢哋就真系咁鍾意呢份工？
又有人話：我都唔想我個仔有幾大成就，平平淡淡，健康快樂就得噶啦。
屌，講呢D說話既人，就應該去各大醫院既ICU（重症監護室）入邊睇下果D冇錢醫病等死既病人，佢哋唔想平平淡淡一世人？佢哋唔想健康快樂咩？每年幾多畢業生擠破頭想留北上廣深，系老家平平淡淡做個公務員唔好咩？屌，可以享受平平淡淡既都系有錢人，平平淡淡先系最貴噶，各位！
好多80後依家唔結婚唔生仔，唔系因為唔想，系因為仲冇能力組建一個完美既家庭，冇乜存款，叫老婆同個仔一齊好辛苦，你忍心咩？
你個女人同你一齊行街，佢默默睇住鍾意既衫或者包包既時候，你就摸住你空空既荷包話：走啦，一陣冇地鐵啦。你忍心咩？有咗BB，為咗逃一DD稅，四處穩人從H*K或者其他地方代奶粉，你唔會覺得好心酸咩？
每個人既出生，家庭，系冇得撿既，由於能力同機遇，我哋既人生都系冇得撿。但系，至少我哋可以通過自己既努力，俾下一代提供一個可以選擇既人生！！
(注:原文自微博 @留幾手 博文 有修改)