《萬千星輝頒獎典禮2015》就圓滿結束喇，
唔講今次得獎者啱唔啱你心水，
但其中有一幕小編就睇到有點氣憤，
就系宣布男主角果陣時啦~
唔系話黃秋生摞視帝唔好，
而系頒獎嘉賓田蕊妮！
當晚小編同老媽子系電視機面前睇頒獎禮，
點知我哋都覺得田蕊妮有點冇禮貌啵~
點解？？？
當晚田蕊妮（阿田）同鍾嘉欣、胡定欣一起上台頒發「最受歡迎電視男角色」&「最佳男主角」獎，其實按照順序上台慨話應該喺阿田同鍾嘉欣企兩旁，胡定欣則企中間，不過阿田一上台就霸住中間位，搞到嘉欣BB要兜一大個圈行去佢身邊。
由於台上得兩支咪，阿田就霸實枝咪掛住同胡定欣講嘢，完全無視旁邊噶鍾嘉欣，嘉欣要講嘢就要夾硬貼住阿田膊頭先得。
唔講人哋仲以為阿田喺主持添，
小編覺得嘉欣BB好慘呀~
之後阿田就不斷話自己好旺其他男星，被問到點解冇提及黃秋生噶時候，佢就話「我都冇同佢合作過！」講嘢好輕蔑！
當胡定欣提及阿田都摞過視後，佢就即時寸爆咁話：「乜原來我摞過視後咩？我唔記得咗啦！」之後又話自己同胡定欣都摞過視後，明寸嘉欣未摞過！
2013年仲喺黃秋生頒「最佳女主角」俾阿田，
當時仲喊到收唔到聲，
小編都記得，
你身為視後咁快就唔記得，
睇嚟個獎對你嚟講都唔系好重要姐~
到咗黃秋生摞過獎準備講嘢果時，阿田仲系度霸住個咪！
好了，黃秋生奪得視帝講得獎感言，不過阿田系後面就不斷搭咀，搞到秋生哥都忍唔住話：「你喺咪好想講嘢啫？」仲示意俾個位佢講。
小編唔知道大家有冇留意E幕，
不過好多網友都注意到▼▼▼
其實依幾年，田蕊妮噶努力有目共睹，
而且佢噶演技的確唔錯，
不過如果繼續喺咁「寸」，咁d戲再好都冇用喇~！