是咁的，上個月嘅今日，即係 11 月 16 號，我同個 friend 講，我想試下唔用Facebook一個月（我嘅唔用指唔 engage，即唔 like 唔 share 唔 comment 唔出 post，雖則我係區選之後出過 post，叫做破咗一日戒)，而自己為重度Facebook用戶，邊有可能真係唔睇？但對我嚟講，都想睇下自己唔用 Facebook 一個月有咩變化 / 感受。
今日終於都到咗喇。我發覺你睇完唔講係好難架。咁即係有口難言嘅感覺。你明明見到有樣嘢，你好想 like、好想 share，但係你都要忍住手。
我以為 Facebook 最多咪又係政治嘢時事嘢，其實發表意見又有乜謂？反正人人一把口一百種真相，你講完都。點知到你真係唔可以 comment 嘅時候，你又發覺原來 Facebook 裡面其實都可以有好多真誠嘅交流，好似墳場新聞嘅青永屍之類，佢係真心地同佢啲 Facebook friend 交流，而唔係純粹地為左某一件大事發表自己嘅偉論。
或者係 Facebook 你會發覺好多岸郊野吾賞鯉 (註)，但係其實原來有好多野都值得你 like 值得你 share，亦有好多人好多事你好想去 engage 落去，例如你新增嘅功能，會回顧你嘅「當年今日」，呢啲係好珍貴嘅回憶。Facebook 唔係可有可無，Facebook 已經成為左生活既一部分，亦係好多人生活既一部分，網絡世界就係真實世界嘅延伸。話網絡上嘅人係廢人，只係反映佢脫離新一代嘅思維，完全脫離於時代嘅步伐。
而原來無得用 Facebook 最令人唔舒服係嗰一種無法參與既隔絕感覺，好似困左係玻璃房，講嘢但係你聽唔到。原來 Facebook 裡，有人講嘢你係好想回應，有某啲事你真係唔講唔安樂。
「有某啲自由，你會失去咗先知。」
但當我體驗到呢份暢所欲言嘅感覺，我就知道網絡都係要捍衛嘅地方。
呢排有好多大事發生，區議會、網廿三、地鐵超支，whatever。當你仍然為呢啲野感到氣憤而想係網絡上出聲，其實表示你仲係好愛呢個地方。
係呀！我真係好愛呢個地方！
註：此言本出於一位社運人士之口，後來由墳場新聞青永屍嘲諷改為「岸郊野吾賞鯉」。唔明？讀一次，再 Google 下啦 XD
用戶比例全球第一 fb港人最Like
社交網站facebook首度公布香港用戶使用概況，發現港人最Like fb！以本港去年715萬人口計算，平均每10人就有6人使用，用戶佔人口比例冠全球。
fb最新資料顯示，今年第二季（截至6月底）香港fb每月活躍用戶高達430萬人，相當於總人口60.1%。而台灣和美國的用戶滲透率則輸香港一個「馬鼻」，分別錄得60%和56.8%。南韓和日本的每月用戶佔人口比例則較遜色，分別為22%和16.6%。所謂每月活躍用戶，是指過去30日曾經登入fb。
每日瀏覽者達290萬人
截至今年6月底，全球登記用戶達到11億，活躍用戶則有7億個。fb過去一年陸續按地區或國家公布活躍用戶人數，至今共有8個，當中以香港的滲透率最高。本港每月430萬名活躍用戶中，67%用戶均有每日瀏覽fb的習慣（約290萬），通過流動裝置（智慧型手機和平板電腦）睇fb的每月活躍用戶超過350萬人。
中大市場學系教授冼日明指，fb用戶人數超越其他社交網站如微博和Twitter，因fb功能相對較多，方便與不同人聯繫。冼教授續指，港人常用的WhatsApp可發短訊及傳相，但與fb非常不同，後者稱得上為個人網站，所以在港很受歡迎。
記者在銅鑼灣分別訪問多位市民，全部都回應有每天使用fb的習慣，任職Model的Emma表示，她一有空就上fb：「我會成日upload相上去，可以同朋友交流。」售貨員Barbie亦指自己幾乎無間斷玩fb，「我直情係hold住嚟用，咁樣可以不斷update朋友嘅近況，唔太鍾意玩微博，因為少朋友用」。其餘兩位受訪者亦表示，多數用手機上fb。
網上書櫃aNobii創辦人宋漢生表示，fb對香港企業而言仍算新興，有公司開設專頁，利用「Like」吸引客人。宋又指，傳統企業在電子商貿中，利用fb可達致宣傳效用，但公司需要額外人手管理其專頁。
網上生意宣傳最有效
宋解釋，傳統企業的電子商貿不算發達，他舉例指Google廣告亦要有公司網站，而網站要接駁電子商貿才可直接帶來生意，但傳統企業網站較少類似工具，即使用家點擊亦未能帶來生意，仍停留在Brand building（建立品牌）的層面，而online生意一向在網上交易，在fb宣傳反而最有效。他表示，在社交平台宣傳fb是「指定動作」，微博則可經營香港及大陸，而Twitter在香港則很「弱雞」。
事實上，fb創辦人朱克伯格（Mark Zuckerberg）、太太Priscilla Chan、以及二人的可蒙犬「Beast」都有個人專頁。當中朱克伯格追隨者人數最多，逾1,800萬人。Beast的魅力更勝女主人，追隨者達150萬，Priscilla的粉絲為44萬。
29歲的朱克伯格靠fb上位之路，叫人嘖嘖稱奇，前年更被拍成電影。曾於美國哈佛大學修讀電腦科學的朱克伯格雖然未正式畢業，但2004年憑藉創立fb而飛黃騰達，並去年5月於美國上市，締造市值逾千億美元的科網神話。
截至昨日，朱克伯格的身家估計達182億美元（約1,419億港元），在彭博全球富豪榜排第39。2010年，他被《時代雜誌》獲選為年度人物。