我同我女朋友岩岩拍拖2個幾月，但就一直為衣著問題嘈左好多次交。
我一開始已經講到明著裙就會同佢分手，但琴日又為衣著問題嘈交，今次佢竟然係都堅持想著裙。
究竟係咪我問題， 係咪我太嚴，太專制，太控制狂？
我都唔想佢唔開心，但係見到街上d咸濕伯父望自己女朋友真係接受唔到，加上依家又咁多偷拍裙底既變態佬。
我都係唔想佢蝕底俾人姐，點解佢唔企係我立場諗下呢？
一開始拍拖我已經同佢講唔想佢著背心短裙，怕佢會走-光蝕底。
之後既兩個月以黎，佢都一直有妥協，冇再見到佢著背心短裙。
同埋，我只係准佢著t恤,著短褲同著打底佢都會妥協接受。
但係琴日又因為呢件事而嘈到差d分手，佢堅持著裙咁即係佢覺得著裙仲重要過我，我真係好失望...
雖然最後佢都係比我說服返，但我知道佢其實好唔願意，好怕有一日佢又會作反。
我係緊張佢著短裙搭車搭電梯會俾人影，烏低身俾人望到姐。
話俾佢知唔俾佢著背心短裙既原因，佢又會黑我面，淨係識用熱同靚呢個d理由黎達我，我真係唔覺著長少少會熱好多。
又唔見我要管其他女仔著咩，街上既著得少都唔關我事，但自己女朋友一定唔可以！
——END——
有絲打唔同意，留言話：
「著裙對某d女人真係好重要
特別係貪靚果d
我自己都係,免得過都盡量唔著褲
呢個係女人既心態,我諗男士未必體會得到」