忽然辦學，張可頤事出有因。 「大半年前，我開始接觸情緒病同大學科研的課程，跟了些醫生上堂，好想將學到的去幫人；碰巧有朋友想搞學習中心，我提議加上有關如何培養小朋友情緒同人格的課程，可以做得更多元化。今次我放下演員身份，嘗試真正融入社區。」
張可頤出錢出力百分百投入，並表示稍後會親自主持有關情緒控制的講座。
2/1 兩人情到濃時，更情不自禁攬攬抱抱，相當溫馨。
上星期五（一月二日）傍晚，張可頤由元朗寓所揸車出尖沙咀海港城，泊車後，上了四樓平台的義大利餐廳 La Locanda，揀了張對住無敵維港景梳化位坐低；五分鐘後，一名老外出現，直接坐在張可頤身邊，同男友排排坐，一副冧樣的張可頤開心到郁曬手，十分忘我，完全冇理會附近的人眼望望。
二人交談夾雜中、英語，老外的廣東話亦頗為流利，間中張可頤又會曬幾句法文，取悅對方。雖然旁邊坐了不少客，但二人態度親暱，沒有避忌。對住男友，張可頤彷彿回春，不經意托腮凝望，說話時又會掃住小腿，盡顯女性嫵媚。
姐姐抱抱
High曬
對住男友，張可頤動作多多，表情豐富。
臨走前，張可頤幫男友著番件外套。
照顧周到
十四度低溫坐露天位，男友見張可頤覺凍，立即為她加衣，又主動點了杯熱飲，相當細心。一餐飯 hea足兩個鐘，埋單時，張可頤又突然「復發」，霸住爭俾錢。臨走前，二人靠在 bar檯咬耳仔，傾傾嚇，仲忍唔住攬實。
第二日，張可頤再出動到尖沙咀 shopping，在連卡佛男裝部，由鞋、銀包睇到電腦袋，再去埋家品部揀床單，其間張可頤一直傾住電話，全程英語，似是為男友遙控揀床上用品。
本週一（五日）晨早十點，記者發現張可頤和男友在九龍塘又一城歎早餐，同檯還有兩位女性朋友，是日有其他人在場，張可頤和男友表現雖不比之前親密，不過亦經常攞住 iPad一齊睇，睇嚇又互相對望一眼，心有靈犀。
食完早餐，張可頤就做司機送男友返工，當駛到觀塘附近，她發現有記者尾隨，立即狂 cut線撇。
咬耳仔
他們大多數時間用英文交談，但當中有夾雜廣東話，不過有時候他們又會咬耳仔講悄悄話。
埋單
張可頤唔似一般港女，唔使男友埋單，喺英國讀過書，果然係有鬼妹仔性格。
托腮
Dry了三年的張可頤，對住新男友即刻回春，做出托腮摸小腿等少女動作。
摸腳
法國邂逅
據了解，張可頤的新歡是一名中法混血兒，今年三十七歲，叫 Leonard，在香港住了幾年，任職設計師，所以略懂講廣東話。一年多前，張可頤去法國旅行時由朋友介紹認識對方，當時 Leonard是放長假返法國，所以有時間充當導遊，陪張可頤周圍去，返港後，兩人仍然有保持聯絡，直到大半年前，開始頻密約會，男方為投其所好，不時主動約張可頤行山做運動。
「其實 Maggie（張可頤）最初都有擔心過對方細過自己，唔係咁好，又怕對方玩玩嚇，但係經過一段時間觀察，佢覺得 Leonard好好仔，於是俾個機會大家，但佢哋開始咗無耐， Maggie就要返上海三個月拍戲，上個月初先返嚟，但好彩都仲 keep到。」張可頤友人說。
5/1
張可頤特登一早去到又一城陪男友食早餐，兩人更不時攞住 iPad一齊研究。
食完早餐張可頤更做埋司機載男友返工。
一場誤會
對於同細八年的法仔拍拖，張可頤在電話作回應。
記：早排你俾人影到有個四眼男去你屋企過夜？
張：真係一場誤會，嗰日有好多朋友嚟我屋企食飯，佢係其中一個，根本乜嘢都冇發生過，冇過夜，我哋絕對唔係拍拖囉！
記：目前有冇男朋友？
張：我未結婚，當然有正常社交，男性同女性朋友都有好多。
記：即係有冇拍拖先？
張：咁行街睇戲食飯一定有，呢啲係好正常社交。
記：你同緊個老外拍拖？
張：（企圖扮傻）外國人？邊個吖？
記：影到你哋喺尖沙咀同又一城嗰個！
張：哈……哦嗰個，佢係我一個好好朋友嚟啫。
十年前張可頤拍纖體廣告，泳衣上陣，無論身材同樣貌都索爆，十年後經歷了甲狀腺病纏擾幾年，目前四十五歲的她都算保養得好。
3/1張可頤到尖沙咀連卡佛 shopping，專睇男裝同床上用品。
唔怕姊弟戀
記：你哋都見得好密！隔兩日就見一次。
張：唔係好密啫，朋友見麵食飯好正常，你哋唔使咁緊張。
記：係唔係拍拖？
張：哈哈……我諗暫時嚟講都係太早，我自己都唔知……
記：你本身介唔介意同外國人發展？
張：其實身邊都有好多來自唔同地方嘅朋友，識朋友唔會分國籍，緣分嘅嘢我覺得冇分國界。
記：係咪同外國人仲易溝通到？
張：如果有得揀，我係一個好需要空間嘅人，好 enjoy工作，我覺得外國人比香港男仔滿足到我呢方面嘅要求。
記：介意姊弟戀嗎？
張：其實對方唔係大過你，就係細過你啦，唔使咁敏感嘅。
冇米粥
入行 20年，張可頤甚少公開承認男友身份， 11年與做金融的曾安邦分手後，過去幾年，感情一直冇著落。
上市公司主席董波
入行前，與內地公司主席董波拍拖八年，入行後，因聚少離多分手；直至 05年，張可頤再被拍到與董波夜蒲後當街激吻，被指舊情復熾。
經理人陳容森
98年，被揭與經理人陳容森同居，拍拖七年，有傳因台灣奀星傅天穎介入而分手。
金融才子曾安邦
08年，張可頤主持資訊節目《更上一層樓》認識坐擁十億身家的金融才俊曾安邦，二人火速過電，拍拖三年，因抵受唔住男友催婚逼生仔，分手收場。