我公司有位女同事，
嘩，真係索到前所未有咁誇張，樣靚身材正，有前有後，
兼且皮膚白滑，成日著埋D低胸衫熱褲短褲，
我有好幾次都差D忍唔住想非禮佢，
但唔知孔子定孟子教我，萬惡淫為首，
仲有唔知邊個現代哲學家講左一句名言，色字頭上九把刀，
個下我細佬控制唔住既時侯，好彩腦部突然閃起呢兩句說話，
我先控制到自己，眼看手勿動。
當然，我對眼都係控制唔到，不停上下掃動，享受視覺快樂既最極點。
佢留意到，反而仲有意無意咁扭下佢條死人腰，
專登烏低D，比我目及佢既偉大之處，痴線，而家寫咸故呀?
一言驚醒洛克人，我先醒起原來仲幻想緊之前點目及佢，幻下想下，
又夠鐘食晏，其他同事已經走哂去食晏，
得我同呢個索女女同事，係同一個空間底下。
我見佢攞住部電話起勢咁講，好似有D大獲野發生咁，
我都唔理佢，照顧左我既肚先，呀，
今日食咩好呢，簡單D，去街市買個叉雞飯食算啦，
20蚊又有野飲送，經濟實惠，支持下街坊生意，都算係向個D大型食肆，
大商家大財團壟斷飲食市場既一種行動抗議。
唔，幾好，又可以坐係D公公婆婆既休閒最佳地，公園，
一路食，一路思考人生，幾好呀，就決定咁做。
————————
正當我等電梯之際，索女同事嬲爆爆咁走出黎，
見到佢個樣都真係驚到震咁濟，我唔敢問佢發生咩事。
沉默左半分鐘後，電梯到，我地一齊入去，
係電梯入面，一片死寂，我哨哨佢，仲係好似想殺人咁，
我轉個頭玩CANDY CRUSH 黎減輕我對佢既注視，
SUGAR CRUSH~~~ 成個電梯既氣氛即時緩和番落黎。
————————
終於，佢開口講野"喂，你去邊到食呀?"
"街市食叉雞飯囉，都唔岩你架啦。"
"講咩呀，我有咩唔岩呀!我就係鐘意食叉雞飯，一齊食!"
我應佢唔到，因為我真係想像唔到，
佢每一次出街食飯，都係食貴價野，高級餐廳，
以我所知，只要係普通少少既茶餐廳，咩老麥肯德雞，大快活大快樂，
佢一律免問。至少都要去食D咩LEBRONWQ唔知乜Q文既餐廳，
或者去食日本野韓國野，貴價唔飽個隻，先岩佢。
當然，以我所知，佢D男朋友都幾有錢下，所以佢要食呢D高級餐廳，
絕對唔成問題。
但今日佢話要食叉雞飯，除非佢個腦燒壞左，就算唔食，
佢都冇可能同我一齊去街市買叉雞飯食。所以我真係唔識應佢。
結果，佢真係跟著我，買左兩盒叉雞飯，坐係公園食。
我覺得呢一刻既感覺，好奇妙。
我望住佢，一個索女，普通咁著T恤，熱褲，
同我呢個政治宅男，係公園，一齊爬叉雞飯，
成個畫面，我唔知點解覺得好溫馨，好浪漫。
好似童話世界咁，原來港女都會有一日同你捱下窮，食飯盒，坐公園。
我唔理佢之後係咪過番自己既港女生活，
至少呢一刻，我覺得港女，其實都唔係咁差姐，都有佢地可愛既一面。
————————
食完之後，佢先至講番，頭先傾電話個陣，
做咩嬲到好似想殺人咁款。
"唉，所有有錢仔都係花心，叫佢地食屎啦，
玩完就唔要，大佬，我唔係貪你D錢，我真係想發展架。"
個下浪漫，比佢港女式既口吻還原基本步，
帶番我黎現實既世界。
"咁咩事先?佢係出面玩女，又比你見到呀?"
"比我斷正TIM呀，攬住第二條女，又渣又錫，
我個下火滾到當場刮左佢十八巴TIM呀"
"嘩，咁誇張，你之後點收科呀?"
"冇咩點收科架，咪分手囉，今朝仲打黎串我話我咩死港女，
貪錢怪，我嬲起上黎爆9佢囉，差D真係想攞刀捅死條PK"
"冷靜D，冷靜D。咁你而家冇左個靠山，以後仲點食高級餐廳呀?"
"東家唔打打西家，有錢仔，大把啦，識過件咪得囉。"
港女即係港女，任佢點靚都好，我都冇可能溝到呢D女，
太大食，養唔起，得閒目及下，就算啦。
————————
跟住佢又問我，男人，係咪天生一定咸濕，係咪一定鐘意玩女?
我跟住諗左一諗，咁樣講
"係，天下所有男人都係咸濕，鐘意玩女。
除左和尚同基佬之外，所有男人都係下體思想動物。
特別見到你呢D咁既性感索女，我夠膽講，
所有男人見到你，第一時間都係諗點樣可以同你做愛，
無論佢講咩我愛你個人，唔係你既身體，
或者係我唔係想搞野，我係想識返個女仔拍拖，
全部都係廢話謊言，只要你係床上打開雙腿，
男人自然就會進入你既深處進行激烈運動，
直到爆發完，爽快完，出到一身汗之後，
你就已經再冇利用價值，你只係一部性愛既機器，
用完即棄，跟著男人就會再尋找佢地既獵物，
重複至死。係好殘酷，亦係現實。"
我講完，佢唔知點解眼濕濕，
"你地所有男人都咁賤格!我係港女又點姐，
我地都有被愛既需要架!愛一個人，唔係要將所有野都奉獻哂比佢咩，
無論係時間，金錢，精神。愛，就係對個個人一世一生咁好。
愛就係專一既表現，點解男人可以咁賤格，見到第二條女，
就將我地之前做過既一切完全忘記得一乾二淨!!
點解你地男人咁衰呀咁衰呀咁衰呀......"
佢一路喊，一路講，一路打我。
佢一路打我，我都差D忍唔住流眼淚，因為佢講既野，
實在太觸動到我既心靈。
呢一刻，連旁邊既老婆婆老伯伯，都靜哂咁望住我地兩個。
好似，我就係拋棄佢既賤男咁。
我再係到諗，男人，點解可以咁仆街?
正如佢所講，時間經歷，係唔可以出賣架。
出賣左，你既愛就消失得無影無蹤。
我冇試過聽到女仔，完全咁樣講比我聽，佢對愛既睇法係點。
我繼續低頭，忍住淚水咁諗"男人不該讓女人流淚，男人不該讓女人流淚......"
佢又繼續咁不停喊不停打我。
我終於忍唔住，企起身，深呼吸咁大叫左一句
"就算呢個世界全部都係賤男，玩女當食生菜，
至少都有一個地球上唯一既絕種好男人係你身邊呀!!!!"
————————
果下，我覺得我痴左線。咁樣講，
咪即係同佢示愛?
我講完之後，佢停左唔喊，講
"你收皮啦，你係世界上唯一既好男人，咁我咪
天下最好女人?哈哈"
佢終於笑番。
今日原本諗住孤獨咁食叉雞飯，思考人生，
結果發生左D咁既事，我都有D意料之外。
————————
成件事就咁告一段落，經過呢件事之後，
我感覺到同呢位索女港女女同事，感情上去到另一個階段。
我既人生，總要係同唔同既女人扯上關係。
我覺得好煩，其實，我真係曾經夢想過，
好似西遊記咁，我就係孫悟空，豬八戒，沙僧，
咁樣跟住師傅唐三藏，去取西經。
做出家人，鑽研佛學，介除色慾，酒慾，肉慾，
兼且行萬里路，咁樣既人生，對我黎講，可能係最完美最快樂。
好可惜，我始終都搵唔到師父，我亦都做唔到
斬斷七情六慾，結果都係做一個普通既香港人。
————————
最後我想講，我好攰，我好吃力，
究竟我應該點做，我真係唔知，唯有見步行步係啦。
via：http://www.discuss.com.hk/viewthread.php?tid=24116834