鄭欣宜自從宣布放棄減肥後，除咗得到大批網民力撐，新歌〈你瘦夠了嗎？〉MV點擊率仲高達50萬，夠勇氣有回報！
記者早前更野生捕獲欣宜同班 friend夜蒲蘭桂坊，飲咗兩杯，欣宜又拎起支煙扯兩口，翻脹欣宜仲成為鬼佬獵物，不停被撩添！不過事後欣宜都有歉意：「食煙危害健康，希望大家千祈唔好學！」
顏噴
雖然欣宜身形又翻脹，不過都有鬼仔撩，佢仲對住佢噴煙，果然好玩得！
深抽
再次被影到食煙，欣宜就話唔擔心會影響形象，仲話自己講明做返自己之後，已經冇曬秘密。
摸頭
欣宜同班 friend坐喺條街吹水，女友人挨埋落大髀，欣宜就摸佢頭髮，好有大家姐 feel！
自細易肥的欣宜， 18歲已經被雜誌影到食煙，早前佢孖住一班朋友到蘭桂坊夜蒲。當時坐系路邊的欣宜飲到臉紅紅，一邊和身邊女友人吹水，期間仲傾到手舞足蹈， high high地，欣宜順手拎咗女友人手上支煙食咗兩啖。
「我冇秘密！」
上周六，問到欣宜食煙一事，欣宜一睇啲相就說：「我都唔好意思被影到呢啲相，不過我已經 28歲，當然我唔系 perfect慨，有時候會同朋友系蘭桂坊飲酒，飲酒都會食下煙，都知道系壞習慣會危害健康，希望大家千祈唔要學！（講過戒煙？）我冇講過！ 18歲被撞破食煙而上雜誌封面，嗰份報導話我應承媽咪以後唔再食，不過我冇許過呢個承諾，因為我從來都唔鍾意講一啲做唔到慨事。」
欣宜決心做自己，唔理外界眼光，不過食煙始終有損健康，其實欣宜亦有擔心影響生小朋友：「應承咗大家做返自己，我慨人生已經冇秘密啦！（幾時戒煙？）到結婚或者準備有小朋友慨時候一定會戒！」
欣宜表明做返自己，俾人見到食煙亦都唔介意，身形翻脹慨欣宜仲成為鬼佬殺手添！
欣宜同攝影師男友 Silas感情穩定，兩人不時被影到拍住拖行街，好 sweet！
欣宜新歌〈你瘦夠了嗎？〉又跳又唱，仲勁擘朝天一字馬，身體力行證明肥妹跳舞冇難度！
鄭少秋同肥姐喺欣宜得 8個月大慨時候已經離婚，欣宜仲話每次收到爸爸封利是都系又大又厚，至於問到覺唔覺秋官只識用錢解決問題而無關心自己，欣宜即時護住爸爸：「每個人表達愛慨方法都唔同，唔可以咁 harsh對佢！」
都系肥好啲！
欣宜同肥妹之名幾乎掛勾，雖有試過變瘦慨時候，但始終天生易肥焗減好辛苦！家陣豁出去，咪輕鬆曬囉！
只有 13歲的欣宜，喺電視台食住腸仔等肥姐，夠曬經典。
2005年，欣宜扮公主錫吳卓羲成為一時熱話，不過欣宜嗰時 EQ已好高，完全唔介意。
身形一路膨脹，去年欣宜終於表明自己唔會再減肥，亦得到大批網民支持。