呢個男人係我男朋友，係我心中近乎完美，但有一個我認為係惡習，令我對我哋將來無安全感。
今年28
外表：5呎10，190磅（有做gym，有6嚿朱古力），五官端正，有啲似紀律部隊味道。眼大而且眼窩深，經常有人問佢係咪mix，試過去旅行辦登機手續返港時，同樣排隊嘅香港人唔知佢係香港人。陽光膚色。
性格都幾nice，初次識覺得好正經，但原來好好動，同埋好攪笑，好識氹人笑，好多女仔都對佢有好感。
月入$40000左右
除咗會買$20六合彩。波，馬，麻雀等等有關都唔掂。唔煙唔酒唔毒。
其實佢各方面都好好，從來無發脾氣，無鬧過我，所以身有唔少姊妹都候住
不過佢迷上咗一樣似毒癮嘅興趣，叫風箏滑水。
因為呢個運動成日要追風（追「瘋」就真），又無得預測，佢好多時都用好多時間，一去就全日，仲要為咗去一個風好嘅地方，飛去日本，台灣甚至澳洲玩。
呢樣令到我好無安全感，好似滑水大過天咁，不過節日佢一定會陪我，但平時一有風佢必定會去。佢話呢啲年紀大就無得點玩，難進步，所以投放好多時間。
各位姊妹，我點做好