當不少80後慨嘆上樓無期，Primo（右）和Cola（左）已憑自己努力及死慳死抵，做了小業主。
「樓價太貴，上唔到車！」這是許多年輕人的鬱結。然而，亦有 80 後奮身打拚，一邊狂做兼職，增加收入求「開源」，一邊限定日使 100 元，死慳死抵「節流」，工作十年終於圓了「上車」夢。
二十九歲的何敏琪（Cola），十七歲踏足社會，在時裝店做售貨員，晚上在酒吧做兼職侍應；之後她與朋友合資開酒吧，又兼職做公關，收入由一萬三千元升到兩萬元，每月儲起一半薪金，「我一直以買樓為目標，雖然乜都唔識，但儲錢一定無錯！」她更笑言會寓工作於娛樂：「賣衫時公司有靚衫著，做酒吧時可以順便消遣，唔使嘥錢！」
三年前她與朋友拆夥，轉造市場推廣，底薪一萬元，佣金數千元至一萬元，她限定每個月只花底薪的收入，佣金則全部儲起。
原為貪玩少女的她，去年終做業主。Cola 以三十萬元積蓄，付一成首期，購入油麻地一個二百七十九萬元單位，雖然新居實用面積僅二百六十呎，但她與家人視它為安樂窩。談及上車心得，她笑言曾向同事「偷師」，得知按自己年齡加樓齡，合共少過六十年，較易申九成按揭，故集中找高鐵沿線的三十年樓齡以下物業，作上車目標。
首次置業 定位不宜過高
有人認為買樓難，開辦投資課程的 FCI 投資策略研究課程總監鍾學良認為，癥結在於部分年輕人，以至其家長的定位太高，「首次置業已追求高質素的屋苑，他們不是買唔到樓，系買唔到佢哋想要慨樓。」>
他又指，不少年輕人常抱怨樓價貴，卻從未親身睇樓，了解市況：「其實市區中，例如大角咀都有 200 萬左右慨單位。」他認為，首次置業可考慮市區單幢樓，即使樓價回落，市區樓仍有一定「防守」能力。
Cola 工作十年才上車，鍾認為年輕人應訂下長遠目標，而非畢業數年，便認定買不到樓，「工作十年八年才上車都好正常。」