每個仔女總有手緊嘅時刻，荷包硬化但又係時候畀家用，點算好？絲打Kanye-正正因為呢個問題同屋企人有拗撬，開咗個Post「一句『唔使畀家用呀？』真係難聽過粗口」話自己由於要考牌盤川緊絀，曾經講過唔畀家用住：「我係畀唔到家用住，你自己都話OK。點解今朝你又問我：『唔使畀家用？』[……]」其實呢個何嘗唔係普遍香港年輕人心中嘅痛吖，所以顛峰朗拿度亦有啲疑惑除咗香港之外其他地方有冇家用呢樣嘢：「我識好多強國同事都話唔會畀家用，當然屋企有事會自己出錢幫。」
畢竟國情唔同，那個我不是我解釋強國好多人都有自己間屋，就算喺大城市冇鄉下都有，所以唔使交租、生活費好低，好少要小朋友畀家用。嘩！咁係咪香港年輕人負擔特別大呢？用樣子過日子用外國嘅例子提醒絲打其實有得住喺屋企，畀家用絕對係值嘅：「如果重係住屋企，你唔好講家用，使唔使交租呀？伙食使唔使錢呀？燈油火蠟呢？外國唔使家用，但一讀完書就趕你出街啦。你有骨氣咪試嚇攞住份糧出去租屋唔好住屋企囉，保證你慘過番印度。」大家又有冇試過因為家用問題同屋企世界大戰？
Kanye-
我知我欠你，你養到我廿歲人出黎做野搵錢，我欠你好多
但係我一早講明我要比錢考牌，考4份卷，仲未PASS到，份份都係自己比錢
我係比唔到家用住，你自己都話OK
點解今朝你又問我唔洗比家用？你自己唔記得我有講過唔緊要
但係點解要話我從來無同你講過？
你有無諗過我自己搵得少都唔開心？
儲得錢黎已經唔見一半，仲要比錢考牌，
你知唔知我見到有野想買，想同朋友出去飲野都要就住就住係幾唔開心？
大家一齊入去討論下