有個自己好鐘意既女仔 , 我同佢一齊都幾開心。
早幾日問佢有冇男朋友,佢話冇,咁我諗住琴日約佢出黎表白。
點知,琴日佢講左樣好震驚嘅消息比我知 , 原來佢同一個男人 keep 住左兩年有性冇愛既關係！
個男人每個星期同佢上床一次,一個月四次,keep左兩年 , 個男人每逢約佢上床先見佢, 冇同佢拍拖,見面就只係為左性。
個男人仲要大佢十幾年,佢話根本唔鐘意個男人,只係寂寞想搵人陪,仲要佢平時搵唔到果個男人, 只有個男人打電話搵佢 ,
個男人冇比錢佢, 又成日cut佢線,我都見過幾次個男人cut佢線,根本有性冇愛,又冇錢。
我同個女仔講話個男人根本蝦佢搵佢笨,佢竟然比個男人蹧質左咁耐。
我問佢接唔接受我,佢嫌我細佢幾年所以唔接受 ,。
女仔好難接受細過自己既男仔, 我都尊重佢,而且每個人都有權選擇 。
佢問我想飛左個男人可以點做,我叫個女仔同個男人講決絕d話同佢斷絕關係,
個女仔話同個男人做朋友可唔可以 , 我同個女仔講 , 個男人同你有性冇愛左兩年, 你地從來都唔係朋友 , 點做朋友 ?
而且個男人不嬲 keep住搞你, 你話唔肯佢實唔制,一定會繼續要求同你有性冇愛,你自己要決絕d 斬斷。
見自己鐘意既女仔比人蹧質,又唔比我愛護佢,我真係好心痛。
巴打留言：
——呢個故事竟然有你呢d人會信, 點睇都係on 9 到非常, 條女寂寞可以比條佬任砌兩年,
但就嫌你細佢幾年唔同你一齊..條女點睇都係小三/貪錢.
你乜都無點可能會受你溝...