大台新聞部記者方東昇近日因主持嘅大台節目《世界零距離II》大獲好評，人氣急升！喺大台17年嘅昇爺自畢業後就打呢份工，由實習記者做到現在嘅採訪主任，多年來主要報道社會民生及兩岸新聞，採訪過唔少新聞大事，例如10年馬尼拉人質事件，係大台新聞部老臣子。
其實昇爺向來都博到盡，對工作熱誠敢認第二無人認第一，08年北京奧運仲自廌做體育記者到當地實地採訪，每日由朝到晚走訪多個比賽場館報導新聞，其中喺中華台北隊的棒球賽事時，因中華台北隊不慎地打了一個界外球，他即由場館內追至場外「執波」，為嘅係要拎到中華台北隊打出嘅第一個界外球。
事業得意，方東昇愛情上亦都係羸家，06年佢與舊同學主播吳先瑩胞妹吳先玲結婚，雖然佢經常四圍去採訪，大時大節未能與家人度過，但昇爺曾經接受專訪時話老婆仍非常支持佢做呢份工，而佢又指唔會轉工。不過現在昇爺角色變了，由前線變成幫助新人，就好似呢一輯《世界零距離II》咁，帶住兩位小師妹陳沛珈同餘凱婷做節目。
不過巴絲可能對呢兩位女主播比較陌生，雖然節目入面兩位女主播都有唔少出鏡機會，又曬英文同德文，但每集對白唔超過10句，難怪網友指兩人似布景板多啲喎。
方東昇唔止幽默風趣多金句，報導新聞仲好professional。
昇爺咁有才華，梗係被人私有化啦。