被指拜狐仙，令事業人緣俱旺的無綫新小花吳若希，盛傳在地產商十哥（林棣權）的特別關愛下，由屋邨進駐何文田豪宅，靚車換不停，由Land Rover到Benz A230，近日再換上黑色波子911。
深受uncle寵愛，另一方面，吳若希對高大靚仔更情有獨鍾。十月一日國慶假期，赤柱一街都是人，傍晚七時，一身casual look熱褲打扮的吳若希，現身赤柱廣場停車場，身邊同行的不是大隻仔溫家偉，更加不是高度關愛她的十哥林棣權，而是睇落好熟面口，但永遠噏唔出個名的五線奀星黃子恆。
兩人沿赤柱大街方向行，狀似搵地方落腳開餐。來來回回於大街行了兩轉，吳若希完全零避忌，只顧勁發十萬watt姣電，又不停回頭望，怕與對方走失。相反，黃子恆表現克制，更不時警覺四圍望，怕被途人認出影相。
二人到餐廳開餐，坐對大街露天位，叫了杯白酒的吳若希，幾乎做曬獨腳戲，做曬主動。十萬watt姣電全力發放，心形眼懷春樣，表露無遺，只要見到對方稍為搭嘴笑嚇俾反應，就更加亢奮。
坐低醫肚個多小時，終於有食客認出吳若希，上前要求合照，黃子恆雖未有離座，亦刻意擰轉面，避開同合照的粉絲有眼神接觸。之後兩人繼續邊食邊傾，到晚上十時多，見餐廳只剩自己同另一檯客，唔想阻人收工，黃子恆主動埋單。
愈奀愈愛】吳若希暗角黐仔 見光速逃 吳若希,
吳若希被《壹》仔斷正喺赤柱姣擒無綫五線奀星黃子恆，於餐廳撐檯腳原來只是上半場，下半場夜媽媽可以去邊？
離開餐廳後，意猶未盡的吳若希同黃子恆向碼頭方向行，經過暗黑角落時，篤住電話的吳若希下意識挨近，只見黃子恆不抗拒亦冇進一步動作，繼續挺胸chok住行。兩人行到碼頭，停低吹風談心，其間吳若希更講到指手畫腳，十分興奮。
傾了半個鐘，二人行返去停車場上車，吳若希揸住過百萬的波子911，向南灣方向進發，但差不多抵埗時，懷疑被跟蹤，吳若希為免溝仔東窗事發，惹金主十哥不滿，極速踩油閃！