女人40一支花！剛滿40歲慨佘詩曼（阿佘）近年dry到爆，之前系咁傳出同愛鄭嘉穎翻撻，但男方與陳凱琳公開戀情後，傳聞亦划上句號。
久旱阿佘原來已經搵到止喝甘露，噚晚本報撞破佢同健碩紋身男拍拖睇戲，男方更情不自禁更一度出手攬佘腰，阿佘為保護戀情則變身車手，為撇記者不惜狂cut線，今日佢才開腔回復《蘋果》話：「我享受正常生活。」
噚晚七點幾，本報發現阿佘駕駛佢架白色BENZ，載住一位年約40多歲、剪吳鎮宇喺《衝上雲霄》入面Sam哥髮型慨健碩男喺中環好萊塢道出現，明顯怕被認到慨阿佘，駕車期間亦全程將cap帽拉得好低，之後佢將架車直駛到數碼港停車場泊車，原來佢同健碩男要到數碼港百老匯戲睇戲。而阿佘呢日亦熱褲上陣曬長腿。
警覺性甚高慨阿佘由落車步行到戲院期間，一直同健碩男保持安全距離，如果迎面有途人經過則會立刻低頭避開視線，惟健碩男與阿佘行經一條較人少慨馬路時，忽然四處張望，然後出手輕輕攬住阿佘慨「佘腰」，但由於二人差不多行到戲院，健碩男好快就縮手。
到達戲院後，二人即合拍地分開行，健碩男負責買飛，阿佘就自己靠邊站。當晚二人選看開七點二十五分，已上映一個月慨《 職業特工隊: 叛逆帝國 》，由於購票後已差不多開場，阿佘就趁人多入場時先閃身企回健碩男身邊入場。
阿佘噚晚同一名大隻紋身男去睇戲
阿佘去到邊頂cap帽都拉到低一低
阿佘做埋柴可夫載大隻男走人
去睇戲時，大隻男曾輕扶「佘腰」，舉止親密
久旱阿佘原來已經找到甘露，昨晚七點多，阿佘穿上熱褲曬長腿，駕駛白色奔馳，接載一位年約40多歲、剪了吳鎮宇在《衝上雲霄》Sam哥髮型的健碩紋身男。