今日系農曆七月十四日鬼節，不過黃夏蕙百無禁忌，以一身魚網背心及熱褲慨造型，出席海洋公園哈囉喂15周年活動，現場仲播出早前夏蕙姨同盛智文一齊拍咗條Halloween宣傳片，講佢哋演一對紋身情侶，盛智文要幫夏蕙姨紋身，夏蕙姨又要瞓真慨殮房停屍間，真系驚驚豬﹗
當記者贊夏蕙姨靚嗰陣，佢就話個造型好醜，醜樣到自己都覺得驚，問到佢喺片場瞓落真慨殮房箱驚唔驚，夏蕙姨表示：「唔驚，棺材都瞓過喇!不過有種魂不附體慨感覺。」
夏蕙姨又認為之前都瞓過真慨棺材，覺得人死咗都唔會識驚，不過，喺片場瞓落真慨殮房箱閂門同熄曬燈嗰陣，周圍黑曬就有啲鬼影幢幢慨感覺，但就冇真系見到，反而以前就試過撞鬼。
問佢今年哈囉喂會唔會去蘭桂坊，夏蕙姨就話怕嚇親細路，所以唔會去，又話好滿意今次有六粒數字慨酬勞，今次瞓埋真殮房箱，有冇收番封利是，夏蕙姨表示：「導演、公司都有畀!」