娛樂偵訊 城城緋聞女友 Kabby 許雅婷 露股自摸勾引小方
贊助商連結
跟郭富城傳過緋聞，現年 24歲的 Kabby（許雅婷），在新戲《綁架丁丁噹》中被安排色誘甩拖方力申，但冇得攬冇得錫，零身體接觸，眼神搞掂！咁神奇？原來全靠 Kabby自摸騷腿露股，出盡法寶！
跳足三個鐘
雖然方力申在新戲中跟王菀之是一對，不過色誘小方的重任，就由連天王郭富城都冧爆、星爺亦 like的 34B Kabby負責。
有樣有身材的 Kabby在戲中飾演空姐，為了將小方勾到手，著住小背心短牛仔褲的她在獵物前趷籮自摸，還有場露喱士底曬長腿的床戲。
Kabby當日做舞台劇，城城特登去捧場㗎！
前面睇， Kabby條褲都剝得幾低㗎！
訓覺一場戲， Kabby就露喱士底引小方。
鏡頭後，小方竟然搵大咕遮住自己，係咪咁怕醜呀？ 習慣訓右邊
要色誘心裡有個她的方力申，導演錢國偉對 Kabby來說，絕對小兒科！雖然如此，但 Kabby亦不敢掉以輕心，為達到效果，事前專登去學自摸舞。「我覺得好大挑戰！尤其係跳舞嗰場戲好有難度，因為唔知自己做唔做到，所以特登去排咗隻舞。我未試過喺鏡頭前咁性 感，好在導演俾咗好大支持我去完成。成場戲只係拍咗兩至三個鐘左右，都算順利；不過要拍好多唔同嘅 shot，所以幾個鐘跳咗隻舞廿幾卅次。」 Kabby說。
不過拍床戲時， Kabby就發現小方訓覺有個特別習慣。
「唔知點解，佢係都要訓喺我左邊，唔知係咪佢平日訓慣咗右邊呢？」
方力申在戲中亦練到有朱古力肌，狀態 fit爆。
挑逗戲以外， Kabby亦要著三點式出鏡。
除咗拍戲， Kabby都係女子組合「少女標本」成員，不時登台唱騷。
早前出席宣傳活動， Kabby就密實出現。 小方擺明望
被對手隔空勾引，方力申坦言好舒服！
「 Kabby自摸跳舞嗰場戲，我係擺到明望㗎！其實大家都係專業，但有可能因為我哋兩個都唔熟，佢會有少少尷尬，但場戲都拍得快，幾順利。」
拍慣愛情小品的方力申，也認同今次的角色比較瘋狂。
「以前拍嘅愛情片，好多都係講感情嘅黑暗面，今次就好童話式，配合番王菀之嘅性格，我同佢都合作得幾有默契。」方力申說。
導演錢國偉大讚 Kabby跟方力申拍親熱戲冇難度，好投入。
方力申跟王菀之在戲中才是一對，不過沒有親密場面。
入選《美人魚》女角招募賽， Kabby一度係大熱門，被指星爺 like爆。
有份入選《美人魚》招募賽， Kabby同松崗李那接受集訓時，都係著一件頭泳衣。 露股潮
曬事業線，是女藝人慣用的撒手鐧，為求殺出重圍，便要由上到下，露埋股；不過唔係話露就露，要露得靚同自然，都要考功夫。
許亦妮
向來鍾意曬身材的許亦妮，自從有富貴男友照住，就連放假去 shopping都扮到行，超短褲露靚股，吸睛。
陳自瑤
人妻陳自瑤每次同老公王浩信出埠二人世界，都會著唔同泳衣 PO相上網，近作有越南陽光遊，曬幸褔同時曬身材。
龔嘉欣
叫得發電機，龔嘉欣平日就算收收埋埋，但偶然短褲露靚股，低調出招都有一手。