經常有唔少人都用明星個名開fb account或者專頁，而且仲要不停更新近況，上載出席活動嘅相，真係唔少人都中伏以為係真嘅!袁嘉敏就係其中一個受害者，而且唔止開個fb account扮佢咁簡單，仲夠膽whatsapp埋人哋扮係袁嘉敏，搞到陳爽都差啲中招。
袁嘉敏終於頂唔順係微博同大家澄清，仲cap埋個假fb 比大家睇下，以正視聽! 據知陳爽收到一個自稱係袁嘉敏嘅whatsapp message，對方仲話改咗號碼，用咗個新號碼搵陳爽!假嘅袁嘉敏仲send埋佢身處上海嘅照片比陳爽，不過張相其實係袁嘉敏5月尾飛去上海影嘅，當時袁嘉敏仲攏係微博同大家happy share!
後來陳爽發現有可疑，於是打番個舊電話先知有人冒袁嘉敏! 究竟袁嘉敏係咪得罪咗人先咁樣比人玩?佢就話冇，可能多人認識佢之後，借佢個名同大家搞惡作劇。
袁嘉敏登台吊高價
人仔貶值冇有怕 袁嘉敏登台吊高價
袁嘉敏在《鴨王》露點演出後，在內地人氣急升，差不多每星期都會返內地登台，她前晚再到廣東一間酒吧獻唱，場內更有穿上三點式泳衣的火辣女郎騎在半裸男觀眾身上，令氣氛升溫。袁嘉敏昨在電話中表示不知情，她說：「我唱完4首歌就返香港，成晚流流長，發生乜事我唔理。」最近人民幣貶值，問她可會加酬勞？她說：「我set到個價好高，我諗再嗌高價冇人畀我做。」
台灣男友變做了解中 DaDa：拍拖要細水長流
今日陳靜（DaDa）去到數碼港出席活動，佢之前就去到內地同義大利拍戲，而最近就留喺香港拍《Z風暴》續集。
講到DaDa喺義大利逗留嘅個半月期間，最掛住就係屋企人同埋嘢食：「第一個星期都好開心，但都係香港開心啲，之後買咗個電飯煲同助手喺房打邊爐。」至於有冇乘機認識義大利型男？DaDa就笑住話只有遠望同合照，冇交流。
DaDa早前自爆有台灣新男友，不過佢今日就話了解中，進展緩慢，因要專注工作。佢笑住話：「0依家拍拖要細水長流，平淡仲實在，最緊要互相信任。佢冇投訴，雖然上次見面已經係幾個月前，但都有keep住通電話。」
DaDa喺義大利只敢遠望型男。
DaDa早前自爆有台灣新男友，不過佢今日就話了解中。