鄧梓峰、陳昭昭、伍文生同姚浩正今日喺九龍灣出席「小司儀精英大賽」，昭昭表示人大咗就鍾意小朋友，所以佢諗住收養或領養小朋友。咁自己又唔會唔會生？佢話：「我好想，但未有對手，所以努力中，希望出年搵到。」昭昭指自己思想比較傳統，所以想生仔，佢覺得男仔既鬼馬又得意，所以佢好羨慕妹妹已經有一對仔女。
鄧梓峰向來口才了得，佢慨四個仔女口才系咪好似佢咁好？鄧梓峰話：「唔系，兩個囡囡健談啲，但兩個囝囝就沉默啲，人慨性格個個都唔同，我唔會強迫佢哋。」問到點睇怪獸家長？佢話：「小朋友會好大壓力，九月會仲緊張，因為開學，我認識有啲家長，想子女喺呢兩個月學識嚟緊慨課程，令到小朋友擔子好重，我就畀我仔女自由發展，例如選科，我會畀少少意見，但最終由佢自己決定，佢哋有興趣就會事半功倍