韓國人氣綜藝節目《Running Man》（RM）眾成員包括劉在錫、李光洙、HaHa等一行七人，繼上月來港舉行粉絲見面會之後，噚日佢哋就移師到上海開騷。
見面會上，成員們照舊落力演出，劉在錫、池錫辰及光洙，繼續搞笑男扮女裝，化身小紅帽又唱又跳之外，佢哋更特別為上海粉絲演唱內地人氣歌曲《小蘋果》，令全場勁High。
不 過講到最High一幕，莫過於「周一情侶」宋智孝同Gary喺台上曬花槍，不停放閃。喺見面會開始時，Gary原本同智孝隔開嚟企，但喺主持人出聲之下， 智孝就主動移位，企喺Gary隔離，Gary即刻忍唔住拖住智孝一隻手，仲拎起只手嚟錫，曖昧十足，其後全場粉絲都大叫「BoBo」（韓文意思系錫錫咁 解），「周一情侶」都有扮下嘢準備錫，不過最後冇囉。
點知去到佢兩個合唱環節，智孝唔知系唔系warm up咗，個人所以好high，唱到差唔多完慨時侯，智孝就突然主動錫咗Gary個面豬一下，搞到Gary呆咗一呆，之後就忍唔住微微笑咗一下，而台下粉絲就即時尖叫！
原本拖手仔
之後扮錫錫
最後真系錫啊