曾四奪NBA總冠軍慨湖人名宿 「巨無霸」奧尼爾（Shaquille O'Neal），同埋Mike Miller今日就喺灣仔修頓室內球場出席表演賽做教練，一班甲一球員、方力申同高鈞賢都有出席。
表演賽分為兩隊，方力申同高鈞賢就系奧尼爾嗰隊，佢兩個以正選球員出賽，方力申賽前話自己冇乜體力，但第一節落場打慨時候就好落力，仲多次試射三分波，但就射唔入，到咗第二節就終於射得入，比賽期間奧尼爾同Mike都有落場搞氣氛。喺第三節慨時候，奧尼爾就示意啲隊員傳波畀方力申，之後就行咗去方力申身邊，當方力申接到波之後，奧尼爾就抬起咗方力申，畀佢入樽，之後方力申就喺籃框做咗幾下引體上升。
到咗第四節打到82比82慨時候，奧尼爾就叫啲球員比個波佢，佢就向後拋向觀眾席，原本諗住比賽可以平手收場，但司儀就問大家想唔想睇加場，大家都話想睇，所以就進入加時比賽，最後以95比94，由奧尼爾嗰隊勝出。
準確...
抬起！