謝霆鋒同前妻張柏芝自離婚後就各自一方，加上雙方搵得自己慨另一半，就算有時間都留嚟陪佢哋啦！不過自己孩子有事就唔同講法！事關細仔Quintus發燒搞到要入院留醫，身為父母慨霆鋒柏芝同日探病，兩人仲喺病房逗留咗半個鐘，世紀同場，關係明顯有好轉跡象添！不過查實二人早前都因為有關報導而出聯合聲明，今次又系因為兒子緣故再見面，最開心當然系兩個仔！
病房共度半小時
難得留港、女友歐遊，又撞啱柏芝三母子帶仔回流升學，鋒芝離婚 4年來首遇破冰良機。月初（6日）為反駁周刊報導，自11年離婚後再度發出聯名聲明；上周三(12日)，即是《四個小生去旅行》記招謝賢火滾出手摑曾江當日，霆鋒靜靜雞現身養和醫院，探望因為氣管問題而發高燒入院的細仔 Quintus。你以為咁就叫慈父？原來都未算！為個仔肯同火溝油前妻同一屋檐下至叫能耐！中午時份，柏芝自駕從梅道寓所趕到醫院，呢頭上房同霆鋒共處，嗰頭就見柏芝媽識做落樓，成功爭取過氣夫妻與 Quintus共處將近半粒鍾！
上周三（ 12日），霆鋒全日都喺醫院陪住細仔 Quintus，認真廿四孝老竇。
拉姑當日夜晚先到醫院探乖孫，探完一臉愁緒！
柏芝媽為咗製造機會畀柏芝同霆鋒，特登走落樓下食煙，直到收到電話先上番樓㗎！
芝媽識做落樓煲煙
晨早流流入院照顧外孫，適當時候離場為鋒芝製造機會，柏芝媽為個女在養和大樓外煲煙煲足半個鐘，認真唔話得！芝媽還興奮告知友人：「佢見到碗叉燒飯幾開心吖！」睇嚟 5歲 Quintus病情已經好咗大半，食慾亦都返曬嚟！煲煙吹水直到點半，霆鋒離開病房在助手錶哥陪同登上保姆車，芝媽才識趣回到病房。不過，兩家水溝油又點只霆鋒柏芝吖？晚飯後霆鋒帶著拉姑再次折返醫院，今次柏芝一早車埋芝媽離開，又一次避免兩位前親家、及前婆媳產生磨擦。
寶貝仔 Lucas本月初 8歲生日，柏芝為佢大搞生日派對，唔系主角慨 Quintus亦玩得好開心！
王菲孤獨慶生
都係為咗搞食搞上癮，開完曲奇店又搞網購刀具，霆鋒為生意難得留港，趁機做孝子，陪8月9日79歲的謝賢切完蛋糕、又再做慈父入院探發燒 Quintus，分身無術難免冷落同樣 8月生日的王菲。
復合一年，竟然不在正日 8月8日滿46歲的女友身邊。好彩大日子有人陪，王菲被發現同閨蜜趙薇帶埋囡囡搞親子團歐遊，繼生日前後現身巴黎羅浮宮後，最新動向已經同團友移師至威尼斯。個幾月冇得見一樣自在享受行程，而霆鋒又玩緊同前妻大團圓，呢段世紀三角戀，睇怕都有排糾纏！
王菲孖住好姊妹趙薇到法國「濕平」，一張紅色松身裙並隨即惹來大肚嫌疑。網上圖片
王菲帶住細女李嫣到法國遊玩，順便慶祝自己 46歲生日，不過同行就唔見男友霆鋒蹤影。
《12道鋒味》節目中，霆鋒唔只力sell個人品牌曲奇餅，仲出刀具畀網民選購，好有生意頭腦㗎！
單親遊學團
自從 11年柏芝同霆鋒兩公婆離婚，一對囝囝 Lucas同 Quintus就跟住媽媽做咗游牧民族，一時去加拿大買屋探路、一時又話移民新加坡落地生根，話就話想對仔避狗仔隊開心成長，其實咪又系因為父母水溝油、柏芝又同拉姑冇兩句！今年暑假三母子回流搬返世紀大廈，表面上話因為成功考入基督教國際學校，實情就系兩公婆關係緩和，返香港近爸爸多啲，點都好過一個人帶住兩個留落異鄉！
感情線上
分分合合、結完又離，邊個話離咗婚就再冇下文？霆鋒同柏芝呢一對，離婚後四年慨感情走勢一樣貼住大市上落不停！
冰河時期
婚變初期，柏芝分分合合、結完又離，邊個話離咗婚就再冇下文？霆鋒同柏芝呢一對，離婚後四年慨感情走勢一樣貼住大市上落不停！
難得在香港，王菲則游歐洲過生日，不在男友身邊，而張柏芝也帶著2個兒子返回香港，雖然因為Quintus發燒入院，才促成「世紀會面半小時」，但也希望在孩子的潤滑下，能讓離婚的2人有更好的溝通機會