當我開呢個post不是擾敵,我已經考完CE 及 AL 。如果你覺得我擾敵,唔該出番去,等你大學畢業後再黎睇番，我只是來到提一提醒大家不要選錯科。
先說說自己，本人會考幾條A幾條B，高考都係幾條B， 然後選科的時候為了興趣選了三大的pure science(邊間出黎既結果都係一樣) 讀讀下先發覺唔對路，發現有幾個問題：
1. 對手太強,講求天份。
對手幾乎是來自內地的省狀元，香港高考狀元(講緊3A-5A果隻)，以及奧林匹克代表隊(這種人最強)。然而佢地每次考試都會獨佔A RANGE，自己又不是特別有天份，讀既野又好難，所以落得只有2ND HON下場。
2.沒有技能
讀完science，充其量都係識得一堆好高深既theory，一堆好高深既定理，但對你職場完全無用，除非你打算讀上去，但你要讀上去卻要不錯的成績。 出到黎以後,我又唔識programming，database又唔識，presentation又唔夠BBA黎，又無專業資格如精算，engine such as civil，會計等。個個朋友，特別係engine，出黎都有 HK$14K~19K人工。
而我就係一間中學做TA (Teaching Assistant) ，得HK$10K人工….最緊要係看不到晉升出路。
聖公會聖西門呂明才中學 Teacher Assistant 收入
3.很少internship機會
讀science 本身要應付的workload已經好大，不似BBA的人可以一路做part-time又唔會點影響個Hon。我地讀science如果走去做part-time，拎硬3rd Hon都似。
再者,每次有internship的機會, 都會輸比讀BBA/Engine既同學仔。點解?
1.因為部分internship係開放比全校既人,輪GPA ，interview表現，BBA 普遍絕對比讀science的更好 。
2.另一部分的internship 需要特別技能，例如programming，識database，有做project經驗等。這類internship BBA的同學就不能爭了，但也不代表呢d 機會係屬於讀science 既你，因為仲有engine人。 佢地個個對呢d 野都well-trained ，你係老細都請個本身識野架啦! 無理由曬錢重新教過一個人。
3.不能做老師 有很多同學以為讀science一畢業就可以做老師，好好搵。 但我想指出如果你無教育文憑，根本教唔到書。所以你真係好想教書既話，煩請你用多年半既時間去讀番個教育文憑先啦。再加上宜家出生率已經好低，教席已經大不如前，你肯定你會搵到教席做老師？
4.我想做研究：都係果句，你無不錯既GPA，或者認識某個Professor，係做唔到研究生的。所以身為普通人既你唔駛打算做研究啦！
你可能感興趣：成日轉工，我還有機會被聘用嗎？
我希望各位中學生能夠回頭是岸，唔好因為為左個degree， 而浪費12萬去讀。即使你係HKU 6901畢業，你都逃不過HK$10K~11K一個月既命運。
當你知道連一個IVE Civil畢業生都有HK$17000 一個月個陣，你就會發覺你係社會上既價值幾乎等於零。Science 只係比天才，好有天份既人去讀。如果你視science 為水泡，你將會在畢業後的十年，甚至二十年付出代價。連當初升不上大學的同學也比你高薪，原因是他們比你更早投身職場。
為了你父母，你未來家庭著想，切勿行錯路。如果你真係對科學有興趣而又唔想無出路，Engine係你既選擇。你會讀得開心好多!
facebook page